茶語

营业中

休息中

下午茶时间，同朋友行完一田去到附近嘅昌运中心，发现呢间台式小店有好多下午茶套餐选择，好似几吸引咁。入面位置唔多，假期下午茶时段差不多满座，墙身有好得意嘅卡通壁画。餐点方面，下午茶套餐同午餐都可以点，而且价格好亲民。五香牛展米线非常之大碗，牛展份量都唔少。汤底系比较清淡的，所以可以食到牛展本身嘅味道，加埋少少台湾酸菜，几开胃。 牛展煮得好腍好入味，而且米线软硬度适中，比较挂汤，整体味道唔错。迷你肉燥饭呢个系下午茶餐，细细碗饭，但肉燥多到可以铺满成碗饭，d汁非常浓郁而且带甜味，捞饭真系一流。 另外仲有一碟小食，我点左凉拌云耳，加左醋同蒜蓉，酸酸甜甜咁，又好爽口。芝士肉松蛋饼呢个系推介小食， 蛋饼煎到热辣辣，入面芝士溶溶地，食落有拉丝效果，而且加埋肉松，咬落有少少脆口，好正。珍珠奶绿、柑橘柠檬我非常喜欢呢个珍珠奶绿嘅味道，茶味比较清，整体唔太甜，而且珍珠食落有Q弹感。