影片
更多
2021-02-28
44 浏览
香港地要食抵食嘅西班牙菜唔多，今日经过 #大埔 嘅「@Tapas Brew」，系附近同一集团德国餐厅「@Das Bier」嘅分店，部分菜式亦都有得供应。虽然店铺入面嘅座位唔算多，但系都几宽敞，而且店入面摆满西班牙风情嘅摆设同油画，非常适合同朋友聚会又或者系情侣撑台脚。今次叫咗两个都系Tapas Brew嘅Signature主菜：💚 特色烤乳猪（$188）呢一个特色烤乳猪卖相的确非常吸引，而且价钱相对抵食。由于系即叫即烤嘅关系，等待呢碟菜嘅时间都比较长，但绝对系值得等嘅👍🏻 乳猪皮好脆之余亦都好能够锁住肉汁同油香，而且肉质好嫩滑，再加上乳猪酱或微甜嘅果酱中和返油腻感，系唔错嘅配搭。💚 西班牙海鲜饭（$188）好有特色嘅海鲜饭，亦都好能够反映一间西班牙餐厅水准所在。首先海鲜种类都唔少，有虾、蚬、青口、鱿鱼，同埋鱼块，饭就加入咗灯笼椒、洋葱、橄榄等，整体都好配合，唔会海鲜同饭好分离嘅感觉。不过海鲜就应该唔系新鲜海鲜，但都唔会有雪味或者霉嘅情况出现。其实餐牌上面亦都有唔少酒类选择，原本想叫香港出品嘅手工生啤「友」啤酒，可惜咁啱无晒。如果情侣嚟食想饮酒其实都可以点佢嘅二人套餐，除咗有前菜主菜等等
香港地要食抵食嘅西班牙菜唔多，今日经过 #大埔 嘅「@Tapas Brew」，系附近同一集团德国餐厅「@Das Bier」嘅分店，部分菜式亦都有得供应。虽然店铺入面嘅座位唔算多，但系都几宽敞，而且店入面摆满西班牙风情嘅摆设同油画，非常适合同朋友聚会又或者系情侣撑台脚。
今次叫咗两个都系Tapas Brew嘅Signature主菜：
💚 特色烤乳猪（$188）
呢一个特色烤乳猪卖相的确非常吸引，而且价钱相对抵食。由于系即叫即烤嘅关系，等待呢碟菜嘅时间都比较长，但绝对系值得等嘅👍🏻 乳猪皮好脆之余亦都好能够锁住肉汁同油香，而且肉质好嫩滑，再加上乳猪酱或微甜嘅果酱中和返油腻感，系唔错嘅配搭。
💚 西班牙海鲜饭（$188）
好有特色嘅海鲜饭，亦都好能够反映一间西班牙餐厅水准所在。首先海鲜种类都唔少，有虾、蚬、青口、鱿鱼，同埋鱼块，饭就加入咗灯笼椒、洋葱、橄榄等，整体都好配合，唔会海鲜同饭好分离嘅感觉。不过海鲜就应该唔系新鲜海鲜，但都唔会有雪味或者霉嘅情况出现。
其实餐牌上面亦都有唔少酒类选择，原本想叫香港出品嘅手工生啤「友」啤酒，可惜咁啱无晒。如果情侣嚟食想饮酒其实都可以点佢嘅二人套餐，除咗有前菜主菜等等之外仲有两杯红酒或者啤酒送，都几抵食㗎。
－－－－－－－－－－－－
📍Tapas Brew 西班牙餐厅（翠怡花园）
大埔翠怡街3号翠怡花园C座地下2A号舖
－－－－－－－－－－－－
张贴
