喫茶ちょうぼ

营业中

休息中

今日途经大埔超级城见到呢间日本西餐厅平时好多人排队，竟然无人排队（可能时间比较夜啦🤣），梗系入去试一试啦！入到去店员就带左我哋行到最入嘅座位，可能系比较夜啦，人流唔算好多，所以环境比较静，私密度都几好，好似真系去左日本当地嘅西餐厅咁😊座位方面都好濶落，坐得好舒服👍🏻食物方面，我地叫左炸软壳蟹扁意粉同鳗鱼玉子盖饭。炸软壳蟹扁意粉摆盘真系好靓，成只软壳蟹炸得好挺身，唔会软淋淋咁，可以呈现返一只蟹嘅形状🦀配埋白汁扁意粉，而且酱汁都几多下，完全唔会干，非常易入口。另外，系只软壳蟹下面仲内藏干坤，竟然有两粒带子系度，粒子都好弹牙。整体来讲呢个扁意粉好啱我心水，非常推荐👍🏻👍🏻👍🏻鳗鱼玉子盖饭相比炸软壳蟹扁意粉，呢个鳗鱼玉子盖饭嘅摆盘就有少少逊色了，只系用一个碗装起，分量望落去好少，非常普通。不过一黎到就闻到好香嘅烧汁味，而且个玉子都好厚。但本人可能食得比较淡口味，略然觉得鳗鱼嘅酱汁过浓，而且玉子亦有少少过甜，但整体来说呢个鳗鱼玉子盖饭都唔错的，但摆盘方面就真系要改善一下。抹茶牛乳 & 焙茶牛乳餐饮我哋就叫左抹茶牛乳 & 焙茶牛乳，貌相几吸引，但焙茶及抹茶味略然不足，味道较淡。