影片
更多
2023-06-05
40 浏览
山长水远走到入大埔林村🤣食返餐好嘅慰劳下自己呢间餐厅环境超靓，有度假feel，一入去已经有鱼池，之后就系大花园设有lunch set，包前菜、主食、饮品净系前菜都有六款选择：凯撒沙律、意式杂菜沙律、蕃茄杂菜汤、周打蚬肉忌廉汤、春卷、薯角主菜十三选一，意粉、risotto、pizza、扒类都有▶️ 前菜- 蕃茄杂菜汤好足料，有唔少蕃茄、椰菜、红萝卜等蕃茄味道浓郁🍅钟意佢唔水汪汪味道上偏咸咗少少但可以接受旁边有块厚蒜蓉多士，用法式baguette包，口感香脆，蒜蓉酱带香草味而不太油🥖配杂菜汤好夹▶️ 前菜- 春卷一客四件，迷你size应该系雪藏而唔系自己包🫔皮薄，炸得香脆唔油滞，几好食入面有啲好似薯蓉质感嘅馅料，再配上少许萝卜粒，可以点他他酱食▶️ 香煎鱼柳配蜜糖柚子汁 ($228)两大条连皮鱼柳，煎到两面香脆肉质唔松散比较扎实同嫩滑，新鲜而非雪藏🐟因为落咗足够香料调味，好够味旁边有一堆薯蓉，落得唔多忌廉/ 奶/ 牛油，冇咁香但够滑，亦明显食得出薯仔味，唔知点解有薯条嘅味道？🍟佢个蜜糖柚子汁好好食🤩质感似果jam，入边有唔少真柚子皮丝，甜中带啲啲苦，顿时令我谂返起济州啲柑橘🍊同鱼柳好夹，一咸一甜
呢间餐厅环境超靓，有度假feel，一入去已经有鱼池，之后就系大花园
设有lunch set，包前菜、主食、饮品
净系前菜都有六款选择：凯撒沙律、意式杂菜沙律、蕃茄杂菜汤、周打蚬肉忌廉汤、春卷、薯角
主菜十三选一，意粉、risotto、pizza、扒类都有
▶️ 前菜- 蕃茄杂菜汤
好足料，有唔少蕃茄、椰菜、红萝卜等
蕃茄味道浓郁🍅钟意佢唔水汪汪
味道上偏咸咗少少但可以接受
旁边有块厚蒜蓉多士，用法式baguette包，口感香脆，蒜蓉酱带香草味而不太油🥖配杂菜汤好夹
▶️ 前菜- 春卷
一客四件，迷你size
应该系雪藏而唔系自己包🫔
皮薄，炸得香脆唔油滞，几好食
入面有啲好似薯蓉质感嘅馅料，再配上少许萝卜粒，可以点他他酱食
▶️ 香煎鱼柳配蜜糖柚子汁 ($228)
两大条连皮鱼柳，煎到两面香脆
肉质唔松散比较扎实同嫩滑，新鲜而非雪藏🐟因为落咗足够香料调味，好够味
旁边有一堆薯蓉，落得唔多忌廉/ 奶/ 牛油，冇咁香但够滑，亦明显食得出薯仔味，唔知点解有薯条嘅味道？🍟
香煎鱼柳配蜜糖柚子汁
$228
8 浏览
0 赞好
0 留言
佢个蜜糖柚子汁好好食🤩质感似果jam，入边有唔少真柚子皮丝，甜中带啲啲苦，顿时令我谂返起济州啲柑橘🍊同鱼柳好夹，一咸一甜，连薯蓉我都会沟呢个酱食😆
▶️ 脆炸德国咸猪手配蜜糖芥末籽汁 ($268)
真系成只咸猪手上，份量颇大又多肉🐷
一上枱闻到超香炸物味
平时唔食猪手嘅我都试一试，比预期中好食，食落系火腿味道，但再咸啲
肉与肉之间有啲透明骨胶原，好似牛展啲透明啫喱咁，质感爽弹
朋友觉得个皮可以再脆口啲，可能因为我哋放咗阵先食，所以淋咗少少
蜜糖芥末酱有wasabi攻鼻嘅味道，另外仲有一个甜嘅果酱汁，可以按自己喜好选择
初次尝试，唔错🙈
旁边配上薯角同茄汁做伴碟
脆炸德国咸猪手配蜜糖芥末籽汁
$268
21 浏览
0 赞好
0 留言
▶️ 烧美国安格斯肉眼扒8oz ($298)
原先拣咗五成熟，上到嚟应该大概八成？已经唔红同冇血🥩
肉质意外地松软唔韧，冇咩筋位，肥膏只有一条边位
整体烧得几出色嘅肉眼扒👍🏻可能juicy啲再好食啲
配送嘅酱汁比较淡味，唔系一般常见嘅黑椒汁，唔会盖过牛味
同样有薯蓉做伴碟🥔
烧美国安格斯肉眼扒8oz
$298
5 浏览
0 赞好
0 留言
▶️ 梳乎厘 ($116/2个)
估唔到连疏乎厘都有咁多口味拣：原味、朱古力、姜、橙、云呢拿🤯
即叫要即整，见个厨师由沟粉打蛋开始，所以疏乎厘嚟到仲热辣辣胀卜卜
亦因为咁样两个疏乎厘一定要拣同一只味
侍应话姜味比较受欢迎，就跟佢推介叫
面头烧过之后形成焦糖面，食落脆少少🤏🏻层次丰富啲
疏乎厘非常轻身，系打成泡状嘅蛋白，口感似湿润啲嘅mashmallow，入口即溶
另外落咗少许糖浆，微微带啲姜味🫚
成个甜品唔会好甜，感觉好light，整得好出色因为疏乎厘唔易整
梳乎厘
$116
1 浏览
0 赞好
0 留言
▶️ 餐饮- 柠檬茶、奶茶
-
整体所有食物超有水准，用料靓同新鲜，烹调有心思，选择丰富！
服务态度都好好，侍应好友善，因为闲日晏昼嚟唔算多人，照顾周到☺️
成间餐厅非常大，有大量室外座位，有啲仲要系独立屋仔，好有私人空间🏠园内有唔少打卡位，喺度开party搞event唔错
原先价位算高档，但系食质素、份量、环境来讲性价比合理
最好系完全唔限时间，同朋友吹水吹咗两个钟🤣舒服过去叹Cafe！
张贴
