木船泰國粉麵專門店 (已結業)

今日黎到大埔食饭，拣左呢间木船泰菜。大埔真系好多泰菜馆，而呢间木船睇个门口咁多人等位都知唔惹少。今日去到食lunch，餐厅除左有set lunch，重可以加小食，我地叫左汁烧豚肉饭、汁烧牛肉饭，另外小食有凤爪沙律、炸虾球同埋炸单骨鸡翼。先讲下set lunch，除左main既饭之外，另外重有汤同前菜，重有细细旧布朗尼应该系甜品。汤可以拣冬荫功／肉丸汤，前菜有冻豆腐同炸鱼饼，而主菜汁烧豚肉饭就好香，大大块烧豚肉舖系面，加埋切好既青瓜条，食落一来有口感，二来唔会觉得肥腻。而汁烧安格斯牛肉同样出色，内藏温泉蛋一饭，捞饭食就一流。小食方面，炸单骨鸡翼有6只，算系几抵。凤爪沙律，酸酸辣辣好开胃，配埋无骨凤爪胃口大增，炸虾外脆内软，而且加左粟米增加口感。最后就系炒通菜，镬气十足。