影片
更多
2014-03-09
2910 浏览
星期六下午,去完大埔墟街市及熟食中心钦记粉面食鱼蛋粉,再到华辉餐厅买米芝莲苹果批,大约3:30pm 就到达第三站秋田面包西饼,之前听闻呢间面包舖有椰粒仔卖,市区好多面包舖都有椰挞卖,但系椰粒仔真系唔多见到,所以今次大埔行程其中一站专登去呢间面包舖 秋田面包西饼位于大埔墟怀义街,如果由大埔墟港铁站行去铁路博物馆,一定会经过呢条横街,经过一间几多人等位o既西餐厅 Munch Now 就会见到面包舖本来谂住仲有得卖咁罕有o既椰粒仔,应该系间旧式饼店,去到见到门面,原来装修唔残旧,店内都算干净整洁,睇到门口一边卖蛋挞,另一边橱窗见到大个忌廉蛋糕及糯米糍等甜品,入去店内,见到都系o的普通面包及蛋糕问过店员后,原来椰粒仔放o系门口侧边o既铁架上,已经用胶盒入好,共有2层,每层有9粒,总共有18粒,每盒卖$14,于是我俾钱买左一盒就离开,继续下一站行程买完椰粒仔向太和方向行,途中经过另一间面包舖,见到门口有一盒盒蛋糕仔卖,但系就唔见椰粒仔当晚返到屋企拆黎食,原来面包舖用粒细书钉钉实个胶盒,每粒椰粒仔大过一蚊硬币少少,其实椰粒仔同蛋糕仔差不多大细,都系一盒18粒,一样卖$14所谓椰粒仔,其实系椰挞入
星期六下午,去完大埔墟街市及熟食中心钦记粉面食鱼蛋粉,再到华辉餐厅买米芝莲苹果批,大约3:30pm 就到达第三站秋田面包西饼,之前听闻呢间面包舖有椰粒仔卖,市区好多面包舖都有椰挞卖,但系椰粒仔真系唔多见到,所以今次大埔行程其中一站专登去呢间面包舖 秋田面包西饼位于大埔墟怀义街,如果由大埔墟港铁站行去铁路博物馆,一定会经过呢条横街,经过一间几多人等位o既西餐厅 Munch Now 就会见到面包舖
本来谂住仲有得卖咁罕有o既椰粒仔,应该系间旧式饼店,去到见到门面,原来装修唔残旧,店内都算干净整洁,睇到门口一边卖蛋挞,另一边橱窗见到大个忌廉蛋糕及糯米糍等甜品,入去店内,见到都系o的普通面包及蛋糕
问过店员后,原来椰粒仔放o系门口侧边o既铁架上,已经用胶盒入好,共有2层,每层有9粒,总共有18粒,每盒卖$14,于是我俾钱买左一盒就离开,继续下一站行程
买完椰粒仔向太和方向行,途中经过另一间面包舖,见到门口有一盒盒蛋糕仔卖,但系就唔见椰粒仔
当晚返到屋企拆黎食,原来面包舖用粒细书钉钉实个胶盒,每粒椰粒仔大过一蚊硬币少少,其实椰粒仔同蛋糕仔差不多大细,都系一盒18粒,一样卖$14所谓椰粒仔,其实系椰挞入面o的椰丝椰茸馅料,不过就冇左o的批皮,适合o的唔钟意食咁多饼皮o既人
椰茸唔会甜到死,够晒椰香味,椰粒仔质感实净,唔容易松散
细细粒,几过瘾,每粒可以分两啖食,由于椰粒比较甜,适合配唔落糖o既咖啡做下午茶 ,始终椰粒仔食得多会觉得腻,比较适宜买一盒大家分享曾经听人讲过,以前面包饼店做椰挞,用剩o既椰茸馅料先会用黎做椰粒,供应唔太稳定
而家o的椰丝唔平架,所以好多面包舖节省成本,鸡尾包都冇落椰丝
椰粒仔相对椰挞价钱较贵,若果谂住抵食就应该食返椰挞
若果大家对椰粒仔有兴趣可以试下,睇到面包胶袋,原来秋田面包西饼o系天水围都有两间分店,我问过店员,天水围o个边分店都有得卖椰粒仔架!大家唔一定要专程黎大埔买
张贴
