影片
更多
2014-03-23
3255 浏览
星期六下午,去完大埔墟街市及熟食中心钦记粉面食鱼蛋粉,再到华辉餐厅买米芝莲苹果批,之后去怀义街秋田面包西饼买椰粒仔,再到太和及大埔中心行下,黄昏时间行返去大埔墟o个边,因为晚上要到亲戚屋企食饭,见仲未够钟,经过群记牛腩隔几个舖位,就黎到当日最后一站余晓记上海包 呢间包店唔系集团式,售卖葱油饼,菜肉包,锅贴,生煎牛肉包等小食,款式不多过十款,由于店舖较细,佢地只作外卖,不设堂食我对生煎牛肉包比较有兴趣,就通知店员想买一个,见到店员拎一个包去厨房,之后听到放落镬煎o既声音,转头就见到一个包拎出黎,我谂系另一个之前放左落镬o既牛肉包,冇理由咁快就煎好,店员将个包放入纸袋后俾我,虽然唔似系即叫即煎,不过煎完个包o既温度仲好高,隔住纸袋个包仲系热辣辣,非常烫手!用啡色纸袋袋住个包,几有怀旧风味,不过有o的人认为纸袋吸晒o的油,只手拎住纸袋唔舒服 买完个牛肉包,就行去对面o既公园开餐 ,黄昏时间天黑,公园街灯比较暗,影o的相唔系咁清楚 ,影完相都隔左5分钟,呢个生煎牛肉包都仲热,当晚天气都算清凉,食个生煎牛肉包感觉温暖 个包落左洋葱后几香,另外仲有落菜脯添! 一分钱一分货,唔系咁多牛肉,
呢间包店唔系集团式,售卖葱油饼,菜肉包,锅贴,生煎牛肉包等小食,款式不多过十款,由于店舖较细,佢地只作外卖,不设堂食
我对生煎牛肉包比较有兴趣,就通知店员想买一个,见到店员拎一个包去厨房,之后听到放落镬煎o既声音,转头就见到一个包拎出黎,我谂系另一个之前放左落镬o既牛肉包,冇理由咁快就煎好,店员将个包放入纸袋后俾我,虽然唔似系即叫即煎,不过煎完个包o既温度仲好高,隔住纸袋个包仲系热辣辣,非常烫手!用啡色纸袋袋住个包,几有怀旧风味,不过有o的人认为纸袋吸晒o的油,只手拎住纸袋唔舒服
买完个牛肉包,就行去对面o既公园开餐 ,黄昏时间天黑,公园街灯比较暗,影o的相唔系咁清楚 ,影完相都隔左5分钟,呢个生煎牛肉包都仲热,当晚天气都算清凉,食个生煎牛肉包感觉温暖
个包落左洋葱后几香,另外仲有落菜脯添! 一分钱一分货,唔系咁多牛肉,见到个包o的位有o的松动 ,牛肉o既味几好,我谂应该加左o的五香粉香料捞落去整生煎牛肉包煎到两面都脆,o的牛肉几滑,牛肉包有肉汁,煎左o既地方脆卜卜,好香好脆
个包有面粉o既面香味,好似淀粉变成葡萄糖o既甜,好食过大集团出品,师傅用左靓面粉整包虽然呢间余晓记上海包冇得堂食,不过我见几多街坊帮衬,另外有人专程驾车黎买,可见呢间舖o既食物有一定水准,多人买o既食物,去货去得快,出品自然好
曾经睇过介绍,话包点负责人余生o系1979年深水埗青山道一品香做点心,余师傅即日整包,朝早搓粉团,唔会系大陆做定交黎
而家香港真系唔多地方有得卖呢类包,买少见少,迟o的会失传, 曾经睇过介绍话余师傅过几年退休,几个大学毕业仔女唔会搓包,下一代应该唔会继承父业,所以大家食多唔系几多年
呢个牛肉包好食过唐记包点,$7一个算系几抵食,味道好又热辣辣 ,而家九龙城清真牛肉馆o个o的牛肉包要$20一个 ,下次再黎余晓记可以试下葱油饼,菜肉包及锅贴呢档余晓记上海包隔离报纸杂志档,有只狗狗叫做啫喱仔看档,大埔区o既街坊都识得佢,啫喱仔同尖东忌廉哥都系报纸佬养o既宠物,论出道时间,啫喱仔比忌廉哥更早出道,但系就唔够忌廉哥咁多人认识,我当日去买生煎牛肉包,可能啫喱仔瞓觉冇同大家见面,希望下次去大埔会见到呢只得意狗狗!
题外话/补充资料：
翻看之前o既食评,原来2011年底o既生煎牛肉包系卖$6,而家只系加左$1,同埋冇因为过左农历新年加价,值得一赞!
(以上食记乃用户个人意见 , 并不代表OpenRice之观点。)
张贴
