大滾友火鍋 (美新大廈)

营业中

休息中

好耐冇打边炉所以今日就约咗朋友嚟到呢间自己心目中大埔火锅嘅首选「大滚友」开餐。之前试过排骨山浓汤同豆乳浓汤汤底味道非常唔错，所以今次就试埋其他汤底，今次叫咗花胶鸡汤底。半只鸡份量都唔少，未开始打边炉之前侍应会帮你剪开啲花胶再放入个汤底，之后建议你先饮汤再开始打边炉，汤底味道清甜超级正 🤤 同朋友每人都饮左两碗。大滚友牛肉拼盘必食，拼盘包咗好多款牛肉部位，肉味浓郁，牛肉控实钟意。伊比利亚橡果猪脂肪分布均匀，入口顺滑柔嫩之余带有坚果同橡木嘅甘甜味，就算食多啲都唔会有太过油腻嘅感觉。每次嚟都必定会叫嘅蟹黄饺，多馅又多汁蟹肉味超鲜甜。最后食埋视觉效果一流嘅火焰豆腐花。