Oliva (已結業)

某次经过见到装修几特别，就谂有机会要试下，结果上星期五就试到喇。得两个人，只要左半份香辣鸡肉pizza，一客芝士鸡肉车轮粉（细）。本来系想要一份pizza，不过侍应话两个人食唔晒（隔离台真系好大份），要半份比较好，虽然半份要七折价钱唔多抵，不过冇办法啦。过左一阵，个pizza就有得食，虽然系香辣鸡肉，不过实际上唔系好辣，不过老实讲除左个四方形外形特别外，真系冇乜特别，个人觉得Pepperonis好味ｄ。至于个芝士鸡肉车轮粉，我觉得好好味，芝士味够晒浓，车轮粉亦非常特别，不过真系好heavy，好快就会食饱，结果饱到飞起。价钱方面，两个人$166埋单，我觉得都几合理。服务方面，serve我地个男侍应都几好礼貌，反应都几快。另外，我地个晚见到唔系冇waitess，仲有两个添！