麵屋 元祖達摩 (已結業)

放工约了朋友到大埔就试试新开的拉面达摩拉面，第一碗系达摩辛辣拉面，三种辣度之中拣咗中辛，浓厚猪骨汤底本身口感够滑口，而加上自家调配嘅辣酱料中辣程度亦好够喉。豚肉系西班牙黑毛猪上肩，脂肪比例均匀，食起上嚟比较冧身，容易嘴嚼，不太肥腻。拉面嘅面质幼滑，水准好好。 另一碗拉面系北海道3.6牛乳黑松露松叶蟹肉拉面，系店内期间限定。汤底牛奶味道非常浓郁，喜欢饮牛奶嘅人可以值得一试，另外松叶蟹肉好新鲜，本身味道不重，但配搭上黑松露的效果就做到刚刚好，仲有菇、豚肉同粟米，非常足料。所有拉面都有得自选不同制法，可以自己拣面硬度、汤浓度、配料、追加等。 额外叫咗两款小食，分别系日式芝士南瓜薯饼同埋紫薯甘栗薯饼。呢两款薯饼都好足料，芝士味道不太咸，加上南瓜带点甜，令薯饼不会太腻和太饱滞。紫薯近年大热食材，配合粒状甘栗，令口感丰富而又唔会黏口，薯饼外皮又炸得够薄身，整体做得好好食﹗如果怕太热气，亦有沙律酱可以沾。 饮品就点咗达摩梳打同招财猫梳打，两款汽水个樽身都好靓，味道同一般波子汽水差不多，招财猫梳打系偏淡黄色，其实系蜂蜜炭酸梳打。