家嫂 (已結業)

区内区内食米线，脑海一定系出现x仔同云xx。有日夜晚经过呢间家嫂，闻到好香，但因为佢门面太细，又系主打边炉，平时都好少留意。睇一睇餐牌，佢而家午市竟然有lunch, 选择有鱼生饭、米线同小菜客饭。身为米线爱好者就决定一试。行到门口，有职员喺门口派传单，职员都好快安排入座，服务几好。午市时间好少顾客，由入座到离开只有约5枱客，疫情下生意唔易做。叫左自选米线套餐，$58三𩠌连野饮，区内唔算好平，但食开米线就应该差唔多价钱。汤底拣左番茄浓汤，𩠌有推介黑松露墨丸同鱼腐，另外试埋佢个白鱼蛋，面底都有4款选择，有出面少见既寛粉，就决定试下。落完单，职员会邀请客人到雪柜拣野饮，除左有自家杯装饮品，都有罐装汽水同支装茶可以选择。对于钟意多选择既野，样样都有得拣就觉好会加分。等左一阵寛粉黎到，份量比想像多好多，令我有d惊讶，番汤浓稠，比连锁米线店既番茄汤出色，值得推介墨丸有墨鱼粒，但味道较淡，鱼腐系三样𩠌中最好，白鱼蛋就一般货色，寛粉有少少煮过龙，唔够烟韧。总括嚟讲，系区内一个米线/lunch 新选择，会再帮衬，试埋佢其他汤底同配𩠌