一如鐵板燒

营业中

休息中

平時成日坐車或者行路經過，見到呢一間好似好人世嘅鐵板燒，好奇去試吓，以我所知呢間鋪頭開咗幾個月，喺大埔來講算係第一間鐵板燒。入到去原來有兩張枱可以燒，我哋就揀咗比較普通嘅餐，可以share食。壽司師傅會俾你望下啲海鮮，然後因應我哋食嘅進度去煮俾我哋食，首先是食前菜，係螺，都幾開胃。輪到主菜出場，可能我比較鍾意食鵝肝，我覺得鵝肝同埋蝦係最好食。食到中段會有個沙律食，再去食薄切同埋厚切嘅牛肉，牛肉好鬆軟，以我「冇牙婆」黎講算好易咬。到最後有冇面試湯同埋炒飯，再加菜，唔飽都變咗飽啦！總括來講，可能我哋個餐比較普通同埋share黎食嘅關係，所以我覺得食物份量比較少，同埋返到屋企有少少口渴，不過整體來講係大埔都算係咁，但價錢同出面食嘅鐵板燒都差唔多。