影片
更多
2023-01-25
1893 浏览
今日约咗朋友去大埔行街，行完街谂住喺附近揾啲嘢食吓顺便饮少少酒倾吓计，老友带我去咗一间餐厅酒吧气氛真系好好，而且啲嘢食都唔错，所以喺度推介一下。NOC NOC 餐厅酒吧系大埔墟直街，餐厅环境非常之好，而且好适合一班朋友倾偈食嘢，加上有少少音乐喺度食嘢倾偈，感觉都几放松。坐低点少少啤酒饮吓，点咗支蓝妹 45元，朋友就点咗杯红酒。烧猪肋骨配薯条 198元，猪肋骨份量都好多烧到啱啱好，一上枱已经闻到好香嘅味道，一啖咬落去仲系好多肉汁，而且猪肉好香好嫩，食得出材料真系好新鲜，加上肋骨嘅位置比较香口特别嫩滑。另外薯条都炸到脆卜卜，点少少茄汁配返杯啤酒真系一绝。炸鱼手指 ，鱼手指炸到外脆内热，外边嘅调味啱啱好，令到入边嘅鱼肉味道更加香，配埋沙律酱一齐食味道更加有层次。黑松露杂菌芦笋烩饭，卖相相当吸引，黑松露嘅味道亦都好独特，阵阵嘅黑松露香味味道好鲜好香，烩饭烟烟韧韧食落去特别有口感。西班牙海鲜焗饭，有大虾，青口，蚬肉材料相当丰富，加上香草柠檬汁调味，令到海鲜味更加突出，啲海鲜亦都好新鲜好鲜甜，整体嘅味道非常夹，呢个简直系必试嘅推介。
NOC NOC 餐厅酒吧系大埔墟直街，餐厅环境非常之好，而且好适合一班朋友倾偈食嘢，加上有少少音乐喺度食嘢倾偈，感觉都几放松。
坐低点少少啤酒饮吓，点咗支蓝妹 45元，朋友就点咗杯红酒。
烧猪肋骨配薯条 198元，猪肋骨份量都好多烧到啱啱好，一上枱已经闻到好香嘅味道，一啖咬落去仲系好多肉汁，而且猪肉好香好嫩，食得出材料真系好新鲜，加上肋骨嘅位置比较香口特别嫩滑。另外薯条都炸到脆卜卜，点少少茄汁配返杯啤酒真系一绝。
炸鱼手指 ，鱼手指炸到外脆内热，外边嘅调味啱啱好，令到入边嘅鱼肉味道更加香，配埋沙律酱一齐食味道更加有层次。
黑松露杂菌芦笋烩饭，卖相相当吸引，黑松露嘅味道亦都好独特，阵阵嘅黑松露香味味道好鲜好香，烩饭烟烟韧韧食落去特别有口感。
西班牙海鲜焗饭，有大虾，青口，蚬肉材料相当丰富，加上香草柠檬汁调味，令到海鲜味更加突出，啲海鲜亦都好新鲜好鲜甜，整体嘅味道非常夹，呢个简直系必试嘅推介。
张贴
