萬利小食店

营业中

休息中

同大埔嘅人讲起万利呢间小店未必个个人都会知，但讲起大埔中心马会投注站隔篱间车仔面就个个人都会知，毕竟呢间小食店陪伴咗唔少大埔友嘅成长。今日难得行去马会就顺便再帮衬，毕竟都好耐冇食过，小店主打车仔面同小食，两𩠌车仔面都系 $29 价钱算几吸引。车仔面叫咗猪红、猪肠同萝卜，呢度嘅猪红味道好正又够香，而猪肠亦处理得唔错，洗得干净又够咬口，唯一美中不足嘅系啲萝卜虽然好淋而且冇渣，但可惜唔够入味，另外一定要加埋小店自家嘅辣酱，辣酱味道香浓辣度适中，将成个车仔面再进一步升华。