影片
更多
2024-11-14
477 浏览
呢晚同友人去咗大埔食饭，见到有唔少人推介呢一间英伦风嘅西餐，一于嚟返个烛光晚餐🕯️夜晚有两款set可以选择，我哋入面嘅嘢食都好唔同，所以各嗌咗一款🍴Starter♦️凯撒沙律呢个Caesar salad仲可以拣鸡肉或者系牛肉配搭，我哋拣咗鸡肉，呢个鸡肉系鸡胸肉，配沙律就比较健康🥗♦️自家制生牛肉他他呢个系一个几特别嘅前菜，唔系度度有得食㗎。呢个他他入面除咗有牛肉粒、番茄粒仲有啲洋葱粒，整个嘅配搭都好Fresh。面头仲有个鹌鹑蛋黄，可以捞埋一齐食🍳牛肝菌野菌忌廉汤呢个忌廉汤非常足料，入面系每一啖都食到粒粒嘅野菌🍄🟫 亦可另外加钱要餐厅招牌嘅龙虾浓汤。自家制牛骨髓牛油包呢个牛油用牛骨髓制作，所以牛嘅味道好香浓，餐厅制作完牛油再将佢放返入牛骨入面做摆盘，都几特别🦴 配搭埋侧边嘅麦包，牛油味道唔会太腻，不过如果啲包再热啲就更加好味啦🥖香煎比目鱼配柠檬牛油汁比目鱼柳超大条，鱼皮轻轻煎过够晒香口，再配埋油花十足嘅鱼肉，真系好美味🐟 配埋柠檬牛油汁，食落口会更加Light☺️黑松露鹅肝威灵顿牛柳贵少少嘅套餐可以选择威灵顿牛柳，二话不说就嗌咗啦🤣 香脆嘅酥皮包裹住大概七成熟嘅牛柳同埋鹅肝，配上黑松露嘅酱汁，
Starter
♦️凯撒沙律
呢个Caesar salad仲可以拣鸡肉或者系牛肉配搭，我哋拣咗鸡肉，呢个鸡肉系鸡胸肉，配沙律就比较健康🥗
♦️自家制生牛肉他他
呢个系一个几特别嘅前菜，唔系度度有得食㗎。呢个他他入面除咗有牛肉粒、番茄粒仲有啲洋葱粒，整个嘅配搭都好Fresh。面头仲有个鹌鹑蛋黄，可以捞埋一齐食🍳
牛肝菌野菌忌廉汤
呢个忌廉汤非常足料，入面系每一啖都食到粒粒嘅野菌🍄🟫 亦可另外加钱要餐厅招牌嘅龙虾浓汤。
自家制牛骨髓牛油包
呢个牛油用牛骨髓制作，所以牛嘅味道好香浓，餐厅制作完牛油再将佢放返入牛骨入面做摆盘，都几特别🦴 配搭埋侧边嘅麦包，牛油味道唔会太腻，不过如果啲包再热啲就更加好味啦🥖
香煎比目鱼配柠檬牛油汁
比目鱼柳超大条，鱼皮轻轻煎过够晒香口，再配埋油花十足嘅鱼肉，真系好美味🐟 配埋柠檬牛油汁，食落口会更加Light☺️
黑松露鹅肝威灵顿牛柳
贵少少嘅套餐可以选择威灵顿牛柳，二话不说就嗌咗啦🤣 香脆嘅酥皮包裹住大概七成熟嘅牛柳同埋鹅肝，配上黑松露嘅酱汁，真系大满足😆 鹅肝虽然唔系好大件，但系有鹅油配搭，牛柳嘅风味更加出。
栗子提拉米苏
呢个系期间限定嘅甜品，非常推介大家嚟食呀。呢个Tiramisu冇用上Espresso，只系有香浓栗子忌廉同埋消化饼做层次，餐厅好仔细咁制作咗好多层，真系有好浓郁嘅栗子味呀🌰
饮品
可以升级做红白酒或者系鸡尾酒，不过我哋谂住夜晚饮杯咖啡就算啦😮 咁啱餐厅嘅咖啡机坏咗，所以最后嗌咗热柠茶同埋热柠水🍋 餐厅用呢种杯保温一流👍🏻
整体嚟讲，如果想食一餐轻松写意嘅晚餐，都会推介大家过嚟食。个人就比较推荐佢嘅栗子提拉米苏，系会留低个美好嘅回忆🥰
张贴
