大滾友火鍋 (美新大廈)

营业中

休息中

一入到舖头简直系穿越时空咁🤩系皇宫嘅装修，仲有一张皇帝嘅龙椅俾大家打卡，劲有气氛！当然呢度嘅火锅食材，都系宫廷式嘅级别，好有惊喜🤘🏻‼️大推‼️花胶鸡锅汤底，超级大块花胶，又厚身。打完卡之后，店员会剪成细细块放入汤底入面。成个汤超鲜甜，花胶都煲得好软糯，鸡肉鲜嫩，打边炉之前饮一啖真系觉得好滋补。🐮大滚友牛肉拼盘款式超级多，有牛小排、手切牛颈脊、金钱展、牛黄喉同牛舌。牛嘅质素好高，油花分布均匀，牛味浓。我最钟意系牛黄喉，好少地方有得食，渌一渌就食得劲爽口😝🐷伊比利亚橡果猪呢只猪质素媲美和牛😍肉质一啲都唔系嚡，肉味好浓郁。🪿鹅肝墨汁墨鱼丸🦑呢只系手打丸，好有创意，中间真系包左一粒鹅肝！鹅肝嘅油脂香味同墨鱼丸嘅海鲜味配合得非常好，口感弹牙，非常值得一试。一路打边炉，记住要叫埋竹蔗茅根同火焰焦糖豆腐花‼️豆腐花豆味好浓又滑。上枱嘅时候，红糖加酒烧到脆卜卜，好似焦糖炖蛋上面𠮶一层咁，好有创意。