竺扶大班燒味

营业中

休息中

食神驾临大埔呀！喺湾仔大受欢迎嘅人气食店：竺扶大班烧味，喺大埔开设全新分店，餐厅同样由蓝带名厨主理，所以烧味出品极具口碑，除咗啱晒大埔街坊们去斩料加𩠌之外，仲可以好似我哋咁，约埋住喺大埔嘅屋企人坐低慢慢叹呢！烧鹅五宝饭
竺扶大班出名烧味，如果咩都想试吓，识拣就一定拣烧鹅五宝饭喇，可以一次过试齐竺扶大班烧味嘅名物，好似系金钟罩烧鹅、销魂叉烧皇同霹雳烧腩仔等。无论系烧鹅、叉烧定系烧腩仔，佢嘅肥瘦度都系啱啱好，完全唔洗担心会太肥难入口，又或者太瘦会好靭呢个问题。呢三样烧味都烧到皮脆肉软，有淡淡油香渗落白饭，烧味砌满成碗饭，份量十足，完全系一食爱上。
豉椒味菜炒鹅肠
竺扶大班烧味嘅烧鹅最出名，所以就要由外试到内，试埋新出嘅豉椒味菜炒鹅肠啦！虽然系用味菜炒，但完全唔会过咸，反而惹味嘅豉椒同味菜令鹅肠更香。仲有三色椒嘅配搭，色香味俱全。