沙隴餐廳

营业中

休息中

呢一度可以话系大埔街坊嘅食堂，座位同一般茶餐厅无异，都系比较狭窄嘅，但系大家嚟得呢度都只不过系食一个快饭，所以都唔会太过介意。而且，大家都知道呢间餐厅嘅嘢都系大件夹抵食。虽然系咁，但餐厅嘅炒粉面饭都非常之有镬气，即叫即炒。呢间餐厅仲有一个可爱之处，就系餐牌上面嘅炒粉面饭其实系可以自由组合嘅。就好似呢个黑椒猪扒炒意粉为例，其实餐牌上只系有黑椒鸡扒炒意粉。但餐牌上有其他嘅食品包括左猪扒，所以就试吓同侍应讲话想要黑椒猪扒炒意粉。咁侍应都系会帮手落单，厨房亦都会相应出餐。炒意粉够镬气，份量其实够两人食用。另外一个朋友点了福建炒饭，同样份量十足，而且因为有加入芹菜一齐去炒嘅关系，食到阵阵嘅芹菜香味。