三小姐海鮮小菜

营业中

休息中

大埔行完山之后要食饭，带屋企人去大埔街市揾野食，之前上网睇定话三小姐都几好，就带佢哋去医肚了。6点前去到大把位，店员好热情拉我哋入嚟。我哋试左几样大牌档必食，埋单每人唔洗$200。卤水拼盘 4/5鱿鱼猪耳生肠大肠鸡肾，爽脆入味，配啤酒🍺一流。椒盐鱿鱼须配九肚鱼 5/5本身谂住如果一样一碟会太多，店员好热情，咁样建议可以双拼咁就可以双重满足😌。的确都好大碟，炸得热辣辣，外脆内软🦑。金银蛋花苋菜 4/5经典茶楼菜式，正常发挥，味道足够，送饭🍚一流。蒜蓉粉丝蒸蛏子 4/5蛏子都新鲜，但系唔算大只，洗得干净无沙👍🏻。金蒜大虾蒸陈村粉 4/5 食之前要大兜乱，如果唔系会唔够味，陈村粉系冇乜味，要倚靠蒜香同埋葱香去捞埋一齐食，鲜虾都系得四五只，仲要开边，但可以一试无妨。地址:关于大埔街市2楼，附近都好多餐厅食肆，师傅可以去楼下街市买海鲜上嚟煮。环境:熟食中心相对环境比较污糟，接受程度要相应提升，但系胜在有冷气。座位之间比较挤迫，枱比较细。价钱:人头唔使$200 ，仲饮咗两支啤酒。服务:热心帮助，协助我哋落单。