金泰泰式美食

营业中

休息中

星期日同男友仔踩单车去大埔墟街市 想食泰国菜，上到3楼熟食中心就见到依间金泰泰，于是试下。虽然周末，都唔系好多人，一去到就有位ʕ •ᴥ•ʔ 亦唔使搭枱。店员态度良好 几有礼貌环境尚可，唔污糟，但始终喺街市 有少少味，可能有啲人会介意。我地嗌左：1个蚝仔炒饭、1个辣椒膏海鲜炒河、1杯冻奶茶、1樽Chang啤酒(泰象)埋单$180睇下啲食物先⋯• 蚝仔炒饭 味道不错 其实就好似普通炒饭咁 不过有蚝同basil九层塔，几足料 落左几多蚝仔• 辣椒膏海鲜炒河 味道都不错不过依碟同碟炒饭都多咗啲油 同埋个人较反感啲三色豆 •饮品x2 泰啤好似$35 贵唔贵大家自己衡量奶茶都好饮的 比较港式 (因我地喺HK揾紧好饮正宗嘅泰式奶茶 )总括尼讲，正正常常。食物味道中规中矩，我哋觉得比较似港式泰 越 东南亚菜。价钱合宜，算平过一般泰式餐厅。