金泰泰式美食

营业中

休息中

有一天爸爸說他在大埔墟熟食市場在云云中菜檔口中發現到一間泰菜，週日的晚上特意來到一試。初次到來感覺這裡環境光猛乾淨，大熱天時冷氣十足，夠涼爽吃得舒服。香茅雞的名字幾得意，不過吃上去跟中式的油雞沒有甚麼分別，沒有香茅味，唯獨雞的肉質則是幾嫩滑，喜歡的話可以沾沾附上的醬汁，酸酸辣辣都是幾開胃的。半打豬、牛、雞串燒，客人也可以要求哪款要多一點、要少一點。剛上菜我們都嘩了一聲，每條都大大條有份量，肉質軟熟，燒得有點焦香的，沾上她們充滿濃郁花生味的沙嗲醬非常惹味，絕對可以encore！我們點了一個大的海鮮冬蔭公，每人飲到兩碗都不是問題。冬蔭公的味道偏溫和，椰奶味重，帶點溫和的酸辣，是容易入口的版本。裡面的材料都算豐富，例如有大頭蝦、青口、雜菌、鱈魚肉、魷魚等，一次過可以食到很多海鮮。印象中鹽燒鰂魚都是幾抵食的，烤得香香的啖啖魚肉。泰式炒金邊粉的表現不太行，炒得不夠乾身，調味不足必須要請店員拿來調味架自行加入味道。泰式青咖喱雞的味道亦麻麻，看見那咖喱就知道質地不太自然，應該加入了一些麵粉做一個稠度，香味也不足。這間街坊泰菜的價錢頗為貼地，食物的表現有好有遜色的，店員的態度也是友善的是家庭形式經營，

正話去呢間食飯，叫咗碟肉碎炒飯，有餿味，返来同老婆肚都唔舒服，當時話比姐姐知，净係同我講佢哋全部當日食材，話D係"泰國味"，唔同本地調味，ok,原来so味係正宗泰国味道！

大尾篤登高完跟住去大埔覓食，見大埔墟熟食中心幾多選擇，呢度中菜館最多，不過兩個人好難叫餸，見泰菜館職員幾正宗，於是一試。🍹椰青 $39 芒果冰 $32 ⭐️⭐️⭐️芒果冰夠香夠真，不過唔夠甜🥢串燒沙嗲(半打) $85 ⭐️⭐️⭐️好大串，豬牛雞都有試，牛唔好味，雞同豬較為ok，不過肉都係比較結實，反而個醬幾好味，食到有花生粒粒。🥢泰式冬蔭公（細） $68 ⭐️⭐️⭐️⭐️少少辣少少酸，啱晒我胃口，一共有兩隻蝦，又有好多菇菌，幾足料，細size可以分到大約3.5碗。🥢牛油焗青口 $85 ⭐️完全唔係我心中嘅牛油焗青口，點解會有咁多蒜蓉嘅？牛油味響邊呢？完全唔好味，我食咗一隻就想放棄。🥢咖哩軟軟殼蟹 $98 ⭐️全晚最差嘅菜式，軟殼蟹斬件再炸，完全食唔到軟殼蟹本身口感同味道，而且炸漿又厚又死脆，咖哩唔香唔惹味，成碟菜都係＂伏＂！二人共消費：$407

同屋企人飲完茶，之後返嚟大埔同鄰居食晚飯。其中一個鄰居勁讚呢度嘅炒咖喱好得。因為飲完茶都爆咗一半，咁就唔係我發板叫餸。先嚟咗個串燒，牛肉乾咗啲，但係個雞肉就好得超Juicy，個沙嗲醬都教得幾好有花生粒唔錯。跟住就嚟做個炒咖喱配牛肉，見到個樣一pat嘢有啲保留。趁熱試咗一啖唔係唔好食，不過個口感就真係核突咗啲。豬頸肉就幾香口，金邊粉就正常發揮，不過如果佢個羅子醬可以酸啲嘅話就會更有風味。其實所有餸除咗個燒鱔係後加之外，其他都係同一時間叫。但係等咗勁耐啲薄餅都未到。本來賣相唔係咁好嘅咖喱，根本冇嘢配。淨咗半碟咖喱都涼了，跟左三次單然後啲薄餅先到。個炒椰菜仔一啲都唔制唔係講份量，而係講緊個棵椰菜仔真係大個仔勁大棵。另外後尾加個線其實都幾香口敗筆喺個肉裏便冇任何醃製過好彩泥味唔重都入得口。其實望落在場又唔係好多人，但係出餐嘅速度咁慢嘅話真係好影響食物質素。

晚餐嚟到大埔墟街市食飯，食吓泰國菜，就嚟到呢一間店又再一個椰汁雞湯，黑胡椒豬頸肉，海鮮炒河粉，再飲多個三色椰子冰去過泰國飲呢個雞湯，返到嚟當然係泰國好味啲啦，呢度做得比較酸，但都可以炒豬頸肉都好味，海鮮炒河粉走一半，三色冰不過不失

星期日同男友仔踩單車去大埔墟街市 想食泰國菜，上到3樓熟食中心就見到依間金泰泰，於是試下。雖然週末，都唔係好多人，一去到就有位ʕ •ᴥ•ʔ 亦唔使搭枱。店員態度良好 幾有禮貌環境尚可，唔污糟，但始終喺街市 有少少味，可能有啲人會介意。我地嗌左：1個蠔仔炒飯、1個辣椒膏海鮮炒河、1杯凍奶茶、1樽Chang啤酒(泰象)埋單$180睇下啲食物先⋯• 蠔仔炒飯 味道不錯 其實就好似普通炒飯咁 不過有蠔同basil九層塔，幾足料 落左幾多蠔仔• 辣椒膏海鮮炒河 味道都不錯不過依碟同碟炒飯都多咗啲油 同埋個人較反感啲三色豆 •飲品x2 泰啤好似$35 貴唔貴大家自己衡量奶茶都好飲的 比較港式 (因我地喺HK搵緊好飲正宗嘅泰式奶茶 )總括尼講，正正常常。食物味道中規中矩，我哋覺得比較似港式泰 越 東南亞菜。價錢合宜，算平過一般泰式餐廳。

平靚正之選，抵食泰國菜，想食明爐烏頭，未等到位，問姨姨可唔可以留定一條😄姨姨話ok，就安心等位😆泰式明爐烏頭$165烏頭好大條，熱辣辣👍泰式炒茄子$58少少辣，大大碟，抵食，略為偏油辣椒膏炒魷魚$82少少辣，好惹味👍

等位時間: 𝟎 𝐦𝐢𝐧𝐬入座時間: 𝟐𝟎:𝟑𝟎 (𝐓𝐡𝐮𝐫)第三次食這間由泰國人做的又平！份量又多！又好味！的泰國餐廳。這次𝟑成人𝟏小孩吃晚餐，𝟒餸𝟏湯$𝟑𝟎𝟑！超飽又抵食！提醒大家不要平日太晚去，會有很多東西售罄。例如炒蜆和魚，這晚都售光了。【 推薦 】泰式酸辣無骨鳳爪 | 𝐇𝐊𝐃𝟕𝟖酸辣度剛好，好開胃。˖☽⋆泰式炒金邊粉 | 𝐇𝐊𝐃𝟓𝟖不會油膩，配料和金邊粉的比例幾乎𝟏:𝟏，味道鹹鹹甜甜的，老幼也適合。 【 推薦 】細泰式冬陰功 | 𝐇𝐊𝐃𝟔𝟓雖然沒有辣味但惹味，想嘗試冬陰功而又不能吃辣的朋友可以一試。湯中有蝦、菇等等，非常多湯料。˖☽⋆ 馬拉盞炒通菜 | 𝐇𝐊𝐃𝟓𝟖正常的馬拉盞通菜，勝在份量大。˖☽⋆蒜蓉包 | 𝐇𝐊𝐃𝟒𝟒$𝟒𝟒有𝟔件，價錢十分公道。這蒜蓉包塗上牛油後放上炸蒜。麵包夠脆，炸蒜油很硬和一點”益”味。這個不建議大家吃。✦ ⋆ • ☁️☾ ⋆ • ⋆ ✦ • ⋆ ☁️ • ⋆ ✦ ⋆ • ☁️☾ ⋆ • ⋆ ✦ • ⋆ ◡̈ 推薦指數: 🌞🌞🌞🌞˖

睇唔出都幾好食，收工同朋友係大埔食飯，朋友試試熟食中心泰國菜，話係正宗泰國師父煮，之前都幫襯過一般般不過不失，今晚試完總結好有驚喜，味道同之前唔同，多了一番泰國風味！🥢泰式香茅炒蜆好有鑊氣啊，香茅味好出加上唐芹同青椒非常惹味，蜆肉無砂味道仲好鮮甜。🥢馬拉盞炒通菜，味道恰好濃淡適中同樣惹味。🥢泰國金柚沙律，食過二道濃味菜，來一客清爽金柚沙律，一個字形容 「正」最衰我有點咳，如果唔係一定搵個多真正朋友陪我！ 係啤酒🍻呀！🤭

大埔熟食中心有好多唔同種類既食店，今日粉嶺拜完山，想食啲濃味嘢開下胃，所以就揀咗食泰國菜金柚沙律 $59主要由柚子 花生 炸蒜 洋蔥 蔥組成，柚子份量好足，成個沙律由佢做主角，冇再用其他醬汁調味泰式冬陰功湯 (大) $118冬陰功冇辣味，飲落似係加左香料既蕃茄湯底，用料好足，我哋每人可以分到一隻蝦鐵板蠔仔蛋 $82鐵板上枱時候仲係吱吱聲響，新鮮熱辣做起上枱，蠔仔鮮味而冇任何腥味，加上煎得香口，有用芽菜托底咸蛋炒鮮魷 $82同想像嘅係兩回事，原本以為用咸蛋炒到乾身，點知佢有咁多醬汁浸住，食落冇鹹蛋味，感覺似係冇落椰漿既葡汁燒鱔片 $105鱔片燒得香口脆面而肉嫩，唔係周圍可以食得到，有機會再食嘅一定會再食呢樣泰式炒金邊粉 $58金邊粉炒得乾身香口，不過整體感覺唔似泰式風味，似係中式炒粉多啲椰汁冰 $30 / 珍多冰 $32店員姐姐識聽識講廣東話，服務態度好好👍🏻

今日第一次去大埔墟熟食中心食晚飯，老揀咗食泰國菜，簡簡單單叫咗三餸一湯。起菜速度正常，蝦餅第一樣到。味道正常，份量就比一般泰舖多。之後就嚟燒豬頸肉，醃得唔夠味，燒得亦唔夠香，個豬頸肉汁唔好味，我嘅形容係唔夠辣唔夠甜唔夠酸，總之樣樣都好似爭少少。呢碟嘢唯一嘅賣點，係分量十足，真係好大碟。泰式濕炒河，味道正正常常，啲牛肉都幾好食，全餐最滿意呢樣嘢！最後係個冬陰功（細），味道正常亦好足料，兩個人飲啱啱好。熟食市場閑日都算坐得舒服，價錢亦相當實惠，可以一試。

大埔熟食中心有好多選擇由於太肚餓嘅原因，我哋決定求其揀一間🤣都等咗一陣位 唔知點解店員都冇好似其他店咁熱心會問我哋幾多位嗰啲😅等位嘅時候見到有位女士食緊碗冬陰功湯面，好似好好食咁。所以我都叫返碗都OK喎，啲料都好足，湯都好好飲！下次嚟都可以再叫！朋友就叫咗豬頸肉嘅🍜啲豬頸肉好似唔駛洗錢咁，超級多🤣嘢飲都ok啦最驚喜都係個冬陰功湯麵！

睇完啲評論驚豬扒太乾，所以叫左雞扒凍檬。晏晝兩點食，唔算多人，好快就有得食。一送上嚟即刻夾幾舊蝦片食。好脆好香～撈檬比平時其他鋪頭酸少少，不過夠曬惹味。個雞個炸皮好脆，唔會好大浸粉味，肉唔會好柴但係又唔會好似落左好多鬆肉粉咁，正正常常。食到最後發現有啲蝦片未食完，浸左汁都係好好食😋食曬成碗加埋杯野飲都係50蚊，喺宜家個社會算係好抵，又大大份。一定會再幫襯。下次會想試下晚市叫餸食飯，應該唔會難食得去邊。

今日叫左豬扒撈檬，酸汁會用一隻紙杯裝住（唔記得影），所有野份量都唔少，酸汁偏酸不過好開胃，夏天食真係好啱，菜爽脆清甜，炸蒜好好食😋，不過豬扒就麻麻哋，炸漿厚左啲又唔熱，下次lunch想食撈檬都會揀呢間，不過餸會揀第二款😂

去完科學園玩水，即刻想食啲泰國嘢，就諗起大埔墟街市🌶今日冇炒粉，飯。天氣非常熱所以食返啲濕濕地嘅嘢，我哋都嗌咗湯粉麵。🍜🌟冬陰功湯河非常惹味，可能平時好鍾意食酸嘢所以覺得呢個冬陰功唔夠酸，但係佢有自助醬料可以加少少醋，食得辣嘅朋友可以加啲辣椒粉🌶👌🏿🌟雞絲凍檬想提一提佢塊蝦片，好脆好好食😂勁大碗，好多生菜同雞絲，夏天食呢個簡直一流😋🌟泰式炸蝦餅即炸即食，餡料亦都爽口彈牙🍤極力推介👍🏿下次希望有機會試吓去啲炒粉麵，我哋下晝大概兩點左右到，套餐亦包嘢飲凍熱同價👍🏿會再嚟。