影片
更多
2017-10-07
915 浏览
星期六晚想揾返啲好嘢食，记起上次经过大埔有几间日本菜好多人喺门口等，同行友人建议揾其中一间试一试水准如何。太和地铁站步行约5分钟来到德美寿司，位置处于街角，门外装修华丽，挂满日本特色灯笼。晚上八时半，门外等位的人不多，因为一早已订好枱，但都等左10分钟先有得坐低，好在餐厅安排左我地两人坐四人台，同行友人先觉得条气顺啲。餐厅入面装修精致，地方都算spacious，座位排得唔算太密，都ok舒适嘅。虽然第一印象唔错，但坐落就觉得服务麻麻，上至经理、下至junior员工都少少迟缓，招呼客人嘅敏感度唔够。我地坐喺屏风后面15分钟都叫唔到人落单、餐厅方面亦无人过嚟问我地ready落单未；到我地终于叫到人，个同事又话叫第二个过嚟帮我地落，自己要执台；跟住我地又再等，而经理当时好似游魂咁行过都唔知自己要做啲咩，要个执台同事再提醒佢帮客落单！记得问职员攞Drink Menu，因为问系唔会主动俾你嘅。铁板牛舌热辣辣登场，口感爽脆，牛油味同牛脷配搭突出。本身睇图以为好薄，但是都够厚身，不过如果怕油嘅朋友就谂谂，始终牛油会比较肥。同行友人系腐皮粉丝，见到menu有自家制腐皮饺子好开心，即叫！点知嚟到先知系炸，
太和地铁站步行约5分钟来到德美寿司，位置处于街角，门外装修华丽，挂满日本特色灯笼。
晚上八时半，门外等位的人不多，因为一早已订好枱，但都等左10分钟先有得坐低，好在餐厅安排左我地两人坐四人台，同行友人先觉得条气顺啲。餐厅入面装修精致，地方都算spacious，座位排得唔算太密，都ok舒适嘅。
虽然第一印象唔错，但坐落就觉得服务麻麻，上至经理、下至junior员工都少少迟缓，招呼客人嘅敏感度唔够。我地坐喺屏风后面15分钟都叫唔到人落单、餐厅方面亦无人过嚟问我地ready落单未；到我地终于叫到人，个同事又话叫第二个过嚟帮我地落，自己要执台；跟住我地又再等，而经理当时好似游魂咁行过都唔知自己要做啲咩，要个执台同事再提醒佢帮客落单！
记得问职员攞Drink Menu，因为问系唔会主动俾你嘅。
铁板牛舌热辣辣登场，口感爽脆，牛油味同牛脷配搭突出。本身睇图以为好薄，但是都够厚身，不过如果怕油嘅朋友就谂谂，始终牛油会比较肥。
铁板牛舌
27 浏览
1 赞好
0 留言
同行友人系腐皮粉丝，见到menu有自家制腐皮饺子好开心，即叫！点知嚟到先知系炸，都唔紧要，但系火喉控制唔好，炸到啲腐皮㶶左！图中腐皮黑色位并唔系豉油，系㶶！
腐皮饺子
22 浏览
0 赞好
0 留言
土佐豆腐好味道！外脆内软，豆腐味浓，个汁少少辣，成件事好夹！好食！
土佐豆腐
18 浏览
0 赞好
0 留言
海胆炒饭大大碗，分量足够亦好足料，但略嫌湿咗少少，如果干身少少就perfect。不过作为餐牌第二贵嘅炒饭$128，海胆嘅份量就少咗啲喇。
海胆炒饭
36 浏览
0 赞好
0 留言
日本青椒仔上枱唔够热，豚肉串烧用嘅系五花腩，略嫌咸咗少少。鸡肾串烧好勒，有少少太熟太干。整体嚟讲，串烧唔系佢地强项。
串烧
21 浏览
0 赞好
0 留言
寿司可以话系德美嘅拿手菜式，𫠒红鱼寿司好新鲜，葱吞拿鱼腩军舰简直系超抵食，吞拿鱼肉非常多，好似食汉堡包咁要三啖先食得晒！芥末八爪鱼军舰亦都相当之啲巨型，系好足料，八爪鱼爽脆，但整体来讲太咸。
寿司
18 浏览
1 赞好
0 留言
甜品方面得三款，选择太少又唔吸引，令人失望！
最后总结，呢间餐厅食物选择够多，当中以鱼生寿司最出色。但食物整体嚟讲都好浓味、太咸，我地食食下都要叫嘢饮 — 而餐厅职员由头到尾都无俾过drink menu 我地睇，要我地问先拎过嚟，服务真系麻麻。
啲后生嘅上菜求其放，食完嘅碗碟又唔识收，连餐厅经理都做做下嘢出去食烟再入返嚟成身烟味咁继续serve客，咁嘅服务真系唔够专业，喺周围都有食肆嘅太和区真系被扣晒分，唔够竞争力，我谂我地都唔会再帮衬喇，宁愿去试其他！
张贴
