影片
更多
2024-10-14
200 浏览
Route 83📍大埔白石角优景里63号Silicon Lane地下1-2号舖最近同朋友喺周末都多咗去Silicon Hill𠮶边散步、做运动，因为人流少啲，空气又清新啲。自从新屋苑入伙后，多咗好多餐厅进驻Silicon Lane，我哋有时做运动前后都会喺附近食埋先走，所以都发掘到一两间值得介绍大家认识嘅餐厅。今次呢间系主打西式餐点，有小清新装修嘅Route 83，店内环境舒适，员工态度殷勤，日照时太阳射入圆形玻璃窗，令人可以好好放松一下。 💰$99德国咸猪手配薯蓉 🐖餐厅招牌菜系德国咸猪手配薯蓉，lunchtime过嚟食只系$99，仲配有餐汤或沙律，呢个地段算好亲民。猪手表皮炸得焦香松脆，皮下脂肪软糯Q弹，肉味浓香，肉质紧实不干柴，加上标配德国酸菜解腻，一个人都可以轻松KO！我哋特别提醒大家食猪手同薯蓉时都要加gravy食，味道会更上一层楼！ 💰$83素菜大菇汉堡 🍔一只猪手咁多肉，所以朋友都想叫返样素食balance下。店员介绍佢哋餐点嘅特色，考虑到越嚟越多人转食素，佢哋设计menu时，每一个category都会留返至少一个素菜选项，俾素食者有多啲选择。身为食肉兽嘅我一开始有少少失
📍大埔白石角优景里63号Silicon Lane地下1-2号舖
最近同朋友喺周末都多咗去Silicon Hill𠮶边散步、做运动，因为人流少啲，空气又清新啲。自从新屋苑入伙后，多咗好多餐厅进驻Silicon Lane，我哋有时做运动前后都会喺附近食埋先走，所以都发掘到一两间值得介绍大家认识嘅餐厅。
今次呢间系主打西式餐点，有小清新装修嘅Route 83，店内环境舒适，员工态度殷勤，日照时太阳射入圆形玻璃窗，令人可以好好放松一下。
[价钱 Price]
💰$99
德国咸猪手配薯蓉 🐖
餐厅招牌菜系德国咸猪手配薯蓉，lunchtime过嚟食只系$99，仲配有餐汤或沙律，呢个地段算好亲民。猪手表皮炸得焦香松脆，皮下脂肪软糯Q弹，肉味浓香，肉质紧实不干柴，加上标配德国酸菜解腻，一个人都可以轻松KO！
我哋特别提醒大家食猪手同薯蓉时都要加gravy食，味道会更上一层楼！
[价钱 Price]
💰$83
素菜大菇汉堡 🍔
一只猪手咁多肉，所以朋友都想叫返样素食balance下。店员介绍佢哋餐点嘅特色，考虑到越嚟越多人转食素，佢哋设计menu时，每一个category都会留返至少一个素菜选项，俾素食者有多啲选择。
身为食肉兽嘅我一开始有少少失落，因为我对食素汉堡兴趣不大，但估唔到餐厅将素汉堡整得咁易入口，令唔习惯食全素嘅食客都可以食得好滋味。汉堡包夹有一只大啡菇，因烤焗时间控制得好，所以仍锁有大量水份，将菇嘅香气散发出嚟。另一加分为系以Coleslaw除代一般生菜片，咬落既有蔬菜嘅多重口感，亦有千岛酱同沙律酱混合嘅口味，层次感MAX！
[价钱 Price]
💰$32 (套餐加配价)
菠萝雪糕特饮 🍍🍨
甜甜酸酸嘅菠萝特饮好醒胃，再喺上面放上一大球云呢拿雪糕整成floats，炎夏必点！
[价钱 Price]
💰$27 (套餐加配价)
士多啤梨雪糕特饮 🍓🍨
士多啤梨雪糕特饮原理一样，但当雪糕同士多啤梨特饮融为一体时，会变咗奶昔嘅味道，我个人更钟意呢杯！
张贴
