影片
更多
2019-02-08
194 浏览
铨仔记开张冇耐，主要都系做街坊生意，新年好多餐厅唔开，同屋企人唔想煮饭就去左食铨仔记。铨仔记主要食鸡煲加火锅放题，价廉物美，百几蚊就鸡煲加打边炉放题，饮品、火锅酱油都包埋，系香港真系买少见少，完全系抗通胀！鸡煲真材实料，选择丰富，此外仲有凉拌小食、香口小食，行过附近可以一试。我地点左胡椒咸菜猪肚鸡煲 $148/人（不同时段收费不同）首先选择点咩煲做底，再点火锅配料，最大好处系可以一件件一片片点，避免浪费。胡椒咸菜猪肚鸡煲，胡椒味浓郁，猪肚数量唔少，焖得腍身入味；鸡肉煎炒到金黄再焖，入味又可以去腥，冇雪味之余味道更香！咸菜令个鸡煲更加惹味，而且平衡左胡椒辛辣，亦令汤底味道更浓郁。饮品系雪柜，除了啤酒其他都唔需要加钱，有汽水有果汁等，火锅酱料都系自助无需加钱。火锅料嘅蔬菜都几甜，生菜、娃娃菜都好啱食鸡煲，够入味，此外肥牛都够晒肥同滑。其他火锅料都系中规中矩。总而言之，铨仔记主打cp值高，平价鸡煲火锅，行开大埔又多个平靓正选择！
铨仔记主要食鸡煲加火锅放题，价廉物美，百几蚊就鸡煲加打边炉放题，饮品、火锅酱油都包埋，系香港真系买少见少，完全系抗通胀！
鸡煲真材实料，选择丰富，此外仲有凉拌小食、香口小食，行过附近可以一试。
我地点左胡椒咸菜猪肚鸡煲 $148/人（不同时段收费不同）
首先选择点咩煲做底，再点火锅配料，最大好处系可以一件件一片片点，避免浪费。
胡椒咸菜猪肚鸡煲，胡椒味浓郁，猪肚数量唔少，焖得腍身入味；鸡肉煎炒到金黄再焖，入味又可以去腥，冇雪味之余味道更香！咸菜令个鸡煲更加惹味，而且平衡左胡椒辛辣，亦令汤底味道更浓郁。
胡椒咸菜猪肚鸡煲
$148
4 浏览
0 赞好
0 留言
饮品系雪柜，除了啤酒其他都唔需要加钱，有汽水有果汁等，火锅酱料都系自助无需加钱。
火锅料嘅蔬菜都几甜，生菜、娃娃菜都好啱食鸡煲，够入味，此外肥牛都够晒肥同滑。其他火锅料都系中规中矩。
总而言之，铨仔记主打cp值高，平价鸡煲火锅，行开大埔又多个平靓正选择！
张贴
