Tapas Brew (Greenfield Plaza) (已搬遷) 新店位置

第一次嚟翠怡花园呢头，原来超级多嘢食，今次就拣咗食西班牙菜。西班牙菜之中，本人最钟意食蒜片虾同烧乳猪，Tapas Brew嘅呢两样菜式我觉得都令人满意。先讲蒜片虾，佢用嘅虾都几靓，好浓虾味，唔系得个爽字𠮶啲雪虾球。 𠮶蒜片橄榄汁都几好味，有适当嘅惹味辣度。个人觉得个虾可以煮短时间少少就perfect 。烧乳猪我哋叫咗1/4只，虽然望落去唔算好多，但两个人好够食。烧乳猪应有嘅皮脆肉嫩，佢都做到。调味到位，肉质亦够juicy，我都唔洗点sauce。另外仲试咗个烧牛肉配生菜，呢个就一般，唔一定要试 。