L'AMOUR

今日难得可以早放工，可以同朋友happy hour 一下，上网见到呢间餐厅劲多好评，于是同朋友过嚟试吓。入面座位唔太多，但系楼底好高，有一盏好大嘅水晶吊灯，感觉好fancy。我低点左佢哋嘅招牌啤酒，倾咗一阵计再点菜。餐牌上面有不同嘅套餐同埋a la carte item，最后我哋选择咗单点。海胆鱼子酱多士点咗三件，海胆份量好足，味道偏甜，好新鲜，配上鱼子酱同多士，层次好丰富。法式鹅肝汤汤比较浓郁及creamy，饮落去好香。慢煮西班牙黑毛猪鞍配焦糖苹果卖相好靓，肉味浓郁，配上酱汁甜而不腻，推介！蒜片辣椒蟹肉扁意粉入面有好多蟹肉，辣得来好惹味，送酒一流。最后甜品点咗比利时朱古力心太软，朱古力味好浓，好耐冇食过啲咁好食嘅朱古力甜品。