牛脾氣

营业中

休息中

由细到大都系大埔住，知道有新食店多数都会去支持一下，今次仲要系食牛肉，我的最爱，一有时间即刻去支持。牛脾气 地址大埔汀角路17号汀角楼 D1 舖，舖头主打牛肉专门店，舖头地方唔大，但系装修得好整洁光猛，坐位空间都好足够，坐得都舒服。吉列芝士猪扒饭 68 元，有前菜及气水 都好低食。前菜有沙律菜，车厘茄.红肉火龙果，份量都算多，沙律好清甜，配上沙律酱酸酸甜甜，作为开胃菜真系一流。吉列猪扒炸到金黄色，卖相好吸引，仲要系好大块.炸浆唔厚，咬下去松脆得很，猪扒炸后保留到肉汁，值得加分，芝士亦都系重点，猪扒内夹有流心芝士，非常吸引！味道仲要系好夹。黑椒牛舌饭 68 元.牛舌用黑椒同盐去调味，非常爽口惹味.口感爽脆有嚼劲.而且牛舌好新鲜，牛肉味道浓厚。配上葱花吊味，令到味道更加有层次。一口忌廉蟹肉薯饼 25 元上枱香喷喷，而且仲有三件，炸到金黄色，入口好香脆，蟹肉味好鲜甜，味道层次丰富。鸡皮饺子 4只 38 元外皮金黄酥脆，内馅软嫩多汁，好有惊喜，鸡皮油香十足，馅料亦都好饱满，食一粒已经爱上佢。