影片
更多
2023-04-07
49 浏览
💁♀️💁♂️ 4/4/2023(Tue), Dinner🍽最近，大埔墟开咗间橙色门面既台式餐厅，装修光猛舒服，橙色既主调俾人好sharp既感觉。正好为食妙妙同A先生今晚想食台湾野，一于去试试新餐厅哥哥添饭•妹妹泡茶，继续去试匀大埔美食先😋😋😋。而今晚我地order咗：🔆 麻辣牛腱肉牛筋面🍜（$82）汤底色泽深沉，入口牛骨味浓而顺喉，我地选择咗麻辣更添一份刺激感。麻辣既程度轻微，算系一般人都接受到既麻辣度。配料有三大件厚切既牛腱肉、两大件牛筋、半只溏心蛋🥚、酸菜、虫草花，份量十足。牛腱肉炆得够淋而又入味，但又唔会过分地淋到筷子🥢都夹唔到，用牙轻轻一咬就可以咬开，肉质带胶质而不黐牙；牛筋同样地炆得入味，淋滑而唔会夹唔起；溏心蛋🥚入味；酸菜系正宗台式牛肉面既重要配菜之一，外面唔系间间都有提供，拌匀入汤底之后加添一阵酸味，令味道多一个层次。🔆 养生花雕醉鸡干拌面🐔🍜（$59）醉鸡🐔好入味，即使系厚肉既部位都入到味，花雕味香再加上当归等既药材味，再带少少甜味，入口嫩滑。呢个菜式同样跟半只溏心蛋🥚，蛋白滑得来又入味。干拌面🍜没有预先调味，正好将醉鸡汁倒入去，拌匀面条来吃，面条挂着醉鸡汁既香甜味道，
💁♀️💁♂️ 4/4/2023(Tue), Dinner🍽
最近，大埔墟开咗间橙色门面既台式餐厅，装修光猛舒服，橙色既主调俾人好sharp既感觉。正好为食妙妙同A先生今晚想食台湾野，一于去试试新餐厅哥哥添饭•妹妹泡茶，继续去试匀大埔美食先😋😋😋。
而今晚我地order咗：
🔆 麻辣牛腱肉牛筋面🍜（$82）
汤底色泽深沉，入口牛骨味浓而顺喉，我地选择咗麻辣更添一份刺激感。麻辣既程度轻微，算系一般人都接受到既麻辣度。
配料有三大件厚切既牛腱肉、两大件牛筋、半只溏心蛋🥚、酸菜、虫草花，份量十足。牛腱肉炆得够淋而又入味，但又唔会过分地淋到筷子🥢都夹唔到，用牙轻轻一咬就可以咬开，肉质带胶质而不黐牙；牛筋同样地炆得入味，淋滑而唔会夹唔起；溏心蛋🥚入味；酸菜系正宗台式牛肉面既重要配菜之一，外面唔系间间都有提供，拌匀入汤底之后加添一阵酸味，令味道多一个层次。
🔆 养生花雕醉鸡干拌面🐔🍜（$59）醉鸡🐔好入味，即使系厚肉既部位都入到味，花雕味香再加上当归等既药材味，再带少少甜味，入口嫩滑。呢个菜式同样跟半只溏心蛋🥚，蛋白滑得来又入味。
干拌面🍜没有预先调味，正好将醉鸡汁倒入去，拌匀面条来吃，面条挂着醉鸡汁既香甜味道，就咁已经好好食。
🔆 甘香西柚百香果气泡茶（跟餐+$25）
大大杯既台式饮品，材料都同样十足，有柚子肉、椰果、橙🍊同青柠，百香果味同西柚味都好配合，甜度刚好，饮落清新解腻。
🔆 有时候想喝红豆🫘乌龙奶茶（跟餐+$18）
对放红豆🫘控A先生嚟讲，都唔系“有时候”想喝，系总之见到有红豆🫘既食物/饮品就想食想饮。同样都系大大杯，饮落有醇厚既乌龙茶味，配合香甜软糯既红豆🫘，即使咁大杯都好快饮晒。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：❤❤❤❤❤(5/5)
❤🙆♀️(为食妙妙)整体食评：❤❤❤❤❤(5/5)
👉🏻 味道够台式，见到格离枱叫左个鲁肉丼饭，大大碗好似都好好食咁🤤🤤🤤，下次再黎试下先得😋😋😋
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 餐厅附近有几个表位场🅿️，表位数量都唔少，等一阵通常都好快有位
👉🏻 就算唔揸车🚗，搭港铁由大埔墟站行过嚟都系10分钟左右；出面广福道有大量巴士、小巴去全港各区
🔆🔆🔆🔆🔆🔆🔆🔆🔆🔆🔆🔆🔆
张贴
