L'AMOUR

今日去左大埔揾食，经朋友介绍原来有间隐世嘅fine dinning 法国菜，呢个cross-over几新鲜，一于就入去试下。鱼子酱多士：🅰️🅰️🅰️🅰️鱼子酱有咸香，唔系死咸。多士好似好厚，但外面脆中间就软身，连埋鱼子酱就好夹。👏🏻👏🏻👏🏻A5和牛鹅肝：🅰️🅰️🅰️🅰️鹅肝煎到好香，面头仲有d焦糖化😍，露荀有好香嘅牛油味，主菜A5和牛都煎得几香，最重要系保留返牛油无煎走哂。红酒浸啤梨：🅰️🅰️🅰️🅰️🅰️呢样甜品啤梨好琳，可以用匙羹就食到。酒味唔算太劲，有少少葡萄味都突出到啤梨嘅甜。呢样菜式需时处理，算系心机菜，真系唔系高级餐厅食唔到😋最后想赞下呢度嘅服务，佢地会等我地食完一样先上另一道菜，唔会滚水渌脚，毕竟唔系普通嘅西餐厅，呢样基本嘅服务系大埔区都做到足，呢样抵赞。👍🏻👍🏻👍🏻总结嚟讲，可以系大埔区食到高质嘅Fine Dinning系几有惊喜，但提提大家始终系食法国菜，要预多少少时间，我地全程大概食左两个钟。