祥勝茶餐廳

营业中

休息中

开咗至少廿年嘅茶餐厅，早餐印像中当年沙士我由$1X食到而家$34既，招牌捞面或者四宝汤面餐系我最爱，平民价钱，包你食得饱，唔可以话非常好食，但价钱绝对系对得住食物质素。食物方面，四宝汤粉面有厚餐肉/猪扒/肠仔及煎蛋，猪扒份量算多但应该系一早整定，所以偏淋及冻，肠仔有煎但不是我食开的厨师牌鸡肉肠，我记得以前系厨师肠，只蛋即煎有蛋浆有脆边非常好，餐肉够厚有咬口唔似其他茶餐厅薄如纸，但只轻轻煎过煎得唔够耐偏淋。热咖啡味道正常，冇苦涩味。总括而言，$34呢个价钱算系无得输。