祥勝茶餐廳

营业中

休息中

今日想食西多士就去左大坑一間茶餐廳搵食，見到幾間茶檔都有唔少人幫襯，隨心揀咗一間，咁啱佢下午茶就係有西多士，同先生一人叫咗一份，一杯凍咖啡加一杯凍阿華田，大約10分鐘就上枱。首先凍咖啡係冇咩咖啡味比較淡，凍阿華田一上枱摸落去係暖嘅，攪兩下啲冰已經溶晒，成杯嘢嘅狀態係常溫。西多士係由兩塊白麵包夾埋一齊炸，個表面係炸得幾脆嘅，雖然兩塊白麵包中間搽上薄薄嘅一層牛油，而切開嘅時候係比較厚嘅白麵包，所以整體個味道比較淡，係靠個糖漿先叫做有味道。真心想食到美食，但呢一份西多士加凍咖啡，我係有啲失望嘅，西多士冇西多士嘅味道，凍咖啡唔似係咖啡。下午茶餐西多士加凍咖啡$40。

以前成日食開，啲炒飯好高質，又好味又抵食，平靚正快！但最近嗌親都無乜肉，好慳皮，大家睇吓呢個生炒牛肉飯，得啲肉粒肉碎，都係第一次見生炒牛肉係咁樣。。。其他炒飯都幾好食嘅，例如鹹魚肉粒飯，不過情況都係一樣，你唔會搵到幾多鹹魚或者肉粒，主要都係食齋炒飯。以前試過其他回鍋肉飯，或者其他豬扒飯。嗰啲千祈唔好嗌，因為佢哋淨係做炒飯好味㗎咋。總之炒飯類嘅都可以嗌，例如楊州炒飯，鮮茄豬扒飯都好味嘅。希望佢哋咪俾返多少少用唔好咁慳皮啦以後。

大坑人情味地道舊式茶記 最鍾意佢哋⭐️四寶撈麵$47‼️重點係厚切豬扒 超鬆軟 唔黐牙表面有流心煎蛋 午餐肉火腿腸仔仲有蔥油蛋汁拌撈麵見到網上成日因為明星 吹捧佢旁邊嗰兩間我反而更加鍾意呢一間 最原始茶記應有味道.今次下午茶叫多份雞翼 加埋杯奶茶 滿足.#祥勝茶餐廳 (大坑)地址：大坑京街24號地舖.⭐️評分：味道：3.8/5環境：3/5服務：3/5抵食：3.8/5.（‼️記住Like同分享 係我繼續搵好嘢動力 感謝支持🙏🏻）.

男朋友話呢間豬扒飯好正就黎試下✨蔥油豬扒飯 $53 +凍檸水$6塊豬扒超超超級大塊🤣 cover晒成個飯 個豬扒肉質好軟嫩 有肉汁 仲有超級多洋蔥 好香蔥油味 係正嘅👍🏻👍🏻✨排骨炒米粉 $53 +凍檸茶$6即炒出黎勁有鑊氣😍 啲排骨瘦得黎唔會柴皮咁 個米粉都好香啲黑椒味 炒得好乾身 👍🏻👍🏻總括黎講味道係好 但環境就好一般 比較逼夾 對著個廚房味道❤️❤️❤️❤️💔抵食❤️❤️❤️❤️❤️服務❤️❤️❤️💔環境❤️❤️💔💰午餐人均～$59（唔洗+1）

🇭🇰祥勝茶餐廳 ·呢間我哋之前去順興食滑蛋飯嘅時候成日經過 但係老實講一路都冇特別想食😂直到見到米紙嘅推介 好似幾正就黎左 我哋嗰日仲見到盧覓雪添😈🤣🤣·乾炒豬扒河$52 l 蔥油肉餅米$53（煎蛋+$5）佢呢度啲炒嘢真係超有鑊氣🔥我自己個人就鍾意食乾炒河多啲 佢呢個調味剛剛好 唔會太鹹或者太油 我自己鍾意啲🤤不過我就覺得佢個豬扒偏乾少少 反而佢個肉餅我自己就覺得好好食 佢好厚身 而且好juicy 口感好好🐷😋不過個炒米就真係偏油少少 雖然好味🫢🫢😂·#rbyeat#rby港式#rby大坑 #rby天后 #rby銅鑼灣·📍大坑京街24號地舖

墜手足料生煎肉餅，外脆內嫩送飯一流🤤！・・・・・・・・・・・・・・・・・・・・🍛 生煎肉餅飯 HK$53・味道：梅菜肉餅加甜豉油，係媽媽嘅味道！欣賞佢調味做得啱啱好，食完成個完全唔會覺得鹹/渴要飲水，而且煎香嘅鮮肉好出味，加埋一絲絲梅菜，甜甜鹹鹹咁，好好送飯🫶🏻・口感：成隻指甲厚嘅生煎肉餅啖啖肉好L正🤤！面層微脆內層軟腍，好讚欸！btw呢個又係壯男份量嚟，又厚又大塊肉餅，成個碟頭飯好墜手XD・・・・・・・・・・・・・・・・・・・・🤰性價比：高～🤰9衝度：9衝～🤰結論：排晒隊仲要好多嘢賣晒嘅人氣店，的確有啲料到！・・・・・・・・・・・・・・・・・・・・

classic 茶餐廳，有風味，講d 彈先，環境一般，好逼，一人食，可能要對住阿叔食，廁所較近，但無味，不過好方便； 無得收八達通，只收現金；講d 好野了，「神級豬扒飯」，某個角度睇，真係神級，因為真係好多好爽，超級爽快，係咪好好味，就唔係話好有豬味咁樣，但整個配搭真係好正，蔥油超多，好多好爽。老闆好禮貌，好kind ，同街坊好friend，感覺好好。 亦唔少遊客去，並好多唔同背景既人去，好有趣。 上次仲見到阿葛民輝買外賣。哈哈 好型泊車仲有唔少標位，就算無，都好彈性（自己走盞）價錢都好合理！值得去

今日係祥勝茶餐廳飽餐一頓，簡直係平民美食天堂🍴！煎豬排先軟滑得黎多肉汁，簡直係咬落去"爽口"到不得了！係呢度食下午茶，點一碟西多士絕對係妙招。西多士嘅外皮炸到"脆卜卜"嘅，一啖落去，香濃牛油嘅味覺撲鼻而來，天呀，正到無得彈！🤤而凍檸茶就冷冽爽口，酸酸甜甜嘅，喺食完油膩嘢之後仲可以清新返個口味，真係"解渴"啦！🍹祥勝茶餐廳保留咗香港傳統茶餐廳嘅風味，雖然環境可能唔算高級，但係每一口食物都充滿本土家常嘅味道。你唔洗用專業術語，一入口就能感受到嗰份簡單直接嘅美味。呢度係香港嘅味，一份質樸無華嘅好滋味。下次想再來試吓其他嘅佳肴，一定仲有更多"掂"嘅選擇等緊我！

喺一個充滿麻甩佬嘅環境之中，你一定唔可以錯過呢個招牌撈麵！呢碗撈公仔麵絕對係一個令人心動嘅美食選擇。佢集合咗腸仔、火腿、餐肉、雞蛋同豬扒，係一個絕配嘅組合！腸仔嘅彈牙口感同濃郁嘅味道，火腿嘅鹹香同豐富的肉質，餐肉嘅滑嫩同多汁，雞蛋嘅蛋香同綿密，再加上豬扒嘅肉汁鮮美，每一口都帶來豐富嘅層次感同口感享受。無論你係麵食愛好者定係肉食愛好者，呢碗撈麵絕對可以滿足你嘅味蕾。每次經過呢個位置，我都忍唔住會叫一碟嚟食。而且，呢個招牌撈麵嘅價錢亦都非常親民，只需36蚊就可以享受到咁豐盛嘅美食！無論你係想填飽肚子，定係滿足味蕾，呢碗招牌撈麵絕對係一個值得一試嘅選擇。

沒什麼裝修可言, 就是一家很地道的舊式茶餐廳，這些餐廳在香港已越來越少了.餐廳內大多是熟客，看見他們與店員及廚師都在談笑風生, 已相當混熟.蔥油煎肉餅飯絕對不是普通的蔥油飯，極大分量的蔥和洋蔥令你連肉餅都看不到, 師傅將佢哋滾過油，十分香口，下面菜是煎肉餅和甜豉油拌飯, 肉餅份量也不少, 外層煎至香脆煎而內裏鬆軟, 而且很有鑊氣. 價錢五十多塊非常親民.他們的招牌菜還有蔥油豬扒飯、四寶湯粉麵（厚餐肉/豬扒/腸仔及煎蛋）等等. 路過的話不妨一試~祥勝餐廳大坑京街24號京街24號

行過大坑時睇落好有特色嘅一間餐廳 中午時段對面順興同炳記都排晒長龍就佐咗係哩間門口位 點咗份雞扒炒麵同埋吉列魚柳飯 囉來是真係有啤份量嚇到d店員都好nice 有傾家常 唔落雨坐出邊都幾舒服

因疫情關係已經停辦咗三年嘅花卉展今年再度復辦，急不及待地第一天開放就要去觀賞一下，趁入埸前順道往大坑區醫飽個肚先。呢間餐廳好有街坊feel，坐低之後見好多都係熟客，佢地同店員及廚師都好好傾。一埸嚟到梗係要試下佢好多人讚嘅蔥油豬扒飯啦！呢碟蔥油豬扒飯（$51）加咗杯凍奶茶（＋$6）一上檯只見到大量爆香咗嘅洋蔥同青蔥鋪滿成隻碟，撥開後見有兩件斬咗件嘅大豬扒，下面才係淋咗甜豉油嘅飯，先試佢嘅洋蔥，真係爆到又香又甜，再試埋佢嘅豬扒，豬扒外脆內有肉汁唔會死實實，再嚐 一口帶有甜豉油嘅飯，實在好味到難以形容！杯凍奶茶都夠幼滑有茶味，都唔錯。呢碗豬扒公仔麵係下午茶餐（$34），豬扒都好大件，公仔麵就係一般茶餐廳常用嘅大光麵，有乜特別。整體覺得佢嘅價錢就算親民，份量十足，味道都幾好，難怪佢有一班熟客棒埸。

餐廳服務很差，一開頭等入座因為得一個人，所以讓後面兩個人的先入座，非常不公平。當有人用餐完畢後，侍應並沒有安排座位，只能夠自行入座。叫了蔥油豬扒飯和熱奶茶，豬扒非常乾，比起以前已經失水準，而且豬扒是凍的。用餐完畢後發現熱奶茶上面浮了一隻蟲，便即時叫侍應換一杯，需然立刻換了一杯，但竟當着我面前說，「換過杯奶茶，換咗俾佢，佢就唔會出聲㗎喇！」，感覺非常不尊重食客。所以建議不要再去，以免受到不愉快用餐經歷。

開咗至少廿年嘅茶餐廳，早餐印像中當年沙士我由$1X食到而家$34既，招牌撈麵或者四寶湯麵餐係我最愛，平民價錢，包你食得飽，唔可以話非常好食，但價錢絕對係對得住食物質素。食物方面，四寶湯粉麵有厚餐肉/豬扒/腸仔及煎蛋，豬扒份量算多但應該係一早整定，所以偏淋及凍，腸仔有煎但不是我食開的廚師牌雞肉腸，我記得以前係廚師腸，隻蛋即煎有蛋漿有脆邊非常好，餐肉夠厚有咬口唔似其他茶餐廳薄如紙，但只輕輕煎過煎得唔夠耐偏淋。熱咖啡味道正常，冇苦澀味。總括而言，$34呢個價錢算係無得輸。

西多士，其中一個下午茶必食的美食，美味程度能令一個唔食炸野嘅我破戒。一直認為西多士一定要有花生醬先好食，但祥勝茶餐廳嘅西多士完全改變我嘅唸法。西多士一上枱，見到炸到金黃色，真係好靚。已經急不及待用刀叉切開，一切開，見到無花生醬，已經想扁嘴。但本着好嘅一餐唔好嘅一餐，照食。一食就停唔到啦，炸得剛剛好，食得出唔係求其hea 炸，個火候掌握得剛剛好。2個字形容 - 香口再加上牛油同糖漿，已經係最好的絕配。再加杯凍檸茶，人生一樂也。