復興行

营业中

休息中

呢间铺头好近巴士站，主打大鱼蛋、大墨丸同大墨鱼，见佢哋卖相唔错，又排晒长龙咁，所以就每样买咗一份黎试。首先，虽然大鱼蛋𠮶层皮同埋啲鱼肉有少少分离，但系啲鱼肉胜在够爽口弹牙。大墨鱼丸就真系非常好食啦，每咬一啖都食到佢啲墨鱼，又香又弹牙，个人认为比起大鱼蛋更加好食。最后佢嘅大墨鱼真系大过人头，一样好好食好鲜甜，同佢用嚟煮墨鱼嘅豉油好夹。如果钟意辣嘅话仲可以加辣椒油，非常惹味。因为实在太好食啦，所以喺走之前，我哋都有再买多一碗嚟食。大家如果黎大澳，记得一定要试佢嘅招牌啊。