大壹冰室 (已結業)

同屋企人系荃湾食dinner，经过呢间'大壹冰室''1969 kitchenOne' 。通常冰室系食茶餐厅野，但见到铺头出面个西式 dinner set menu 既食物几吸引，所以就试下。间铺有七十年代既怀旧feel ，墙上D装饰好有retro 风格，坐得舒服。我好钟意食海鲜，自己就叫左来个 '法式煎大虾配香辣野菌墨鱼面' 来食, 我父母就叫左 '挪威厚切三文鱼扒' 和 '精选荷兰牛柳'。 食物来了，大虾好香肉质弹牙，有少少辣，好开胃，配菜适中。墨汁意粉有面质软硬刚好，用既配料亦无盖过面本身既味道，所以试到佢有墨汁味唔系普通意粉。三文鱼扒卖相几好，煎得好香，鱼扒比我地食开的熟左少少，但都算新鲜，亦一D都唔腥。三文鱼同D香草同个汁好夹，好味 。另外我试左少少个精选荷兰牛柳，我妈妈叫左八成熟，但好似熟左D，下次叫七成。平时食西餐我少食牛因为惊佢多筯，但呢个牛柳口感都几淋， 肉质唔错，好好食。食物既配菜一般，但整体都算合格，几抵食。见到隔离枱个板石烧黑椒极品牛柳粒好似几正，好吸引，下次一定要试。