新景園咖喱小廚

营业中

休息中

原本谂住试近期最具人气薄饼店，但由于太多人所以转移目标去食咖喱。去到门口，望一望餐牌，见到入面仲有一张吉枱，即刻二话不说入去坐。除左咖喱，仲有小菜同一d炒粉面。谂左一阵，order左一个咖喱猪扒饭同小菜--鲜茄斑腩，两个都系跟餐。主菜未到，先黎左两碗例汤。望落个汤都几清，饮落有d意外惊喜，因为平时饮开果d例汤，一系油一系味精重，佢就几清甜，所以今次我都打破惯例饮晒佢。跟住主角--猪扒饭出场。哗!好大碟呀!d猪扒咬落外脆内软，有鲜肉既甜味，再加埋辣辣咖喱汁，送饭一流!另外个小菜都唔错。d斑腩真系食到啖啖鱼系里面，唔似其他餐厅制成品，只得厚厚既炸粉，不过份量就少左d啰，得5-6旧鱼。整体黎讲，食物质素唔错，价钱唔系特别平，不过一分钱一分货喇；环境就比较狭窄，但干净。