炊豕店 (加路連山道) (已結業)

铜锣湾依间炊豕店，已经bookmark左好耐，今日终于食到🤩夜晚7点几黎到，条队无想像中难排㖞😎虽然店舖细，但人流都去得快。嗌左一碗 #葱油猪扒饭 ($62) 同 #秘制猪扒饭（咖哩汁） ($62)，每碗都放上四大件厚切炸猪排，几乎睇唔到下面啲饭!果然名不虚传，炸猪扒外脆内软，肉质软嫩多汁，不过有啲厚粉。葱油多到唔洗钱咁，估唔到烧味饭食得多既葱油，原来同猪扒都劲夹！食完成口都系葱油味，爽呀😇咖哩汁就普通左啲，系大家乐大快活啲港式咖哩汁，几好食但无咩特别咁，下次可能会试肉燥汁。只蛋煎到有㶶边，蛋黄仲保持流心，劲正。见唔少人都会加 #炒滑蛋 同 #厚切午餐肉，但今餐太邪恶就无嗌到。反之嗌左碟 #凉拌大豆芽 ($22)，咬落爽脆，凉拌酱汁带微微酸香，嗌下自己今餐好健康。