Chotto Maki (利源西街) (已結業)

依间位于中环嘅寿司卷物铺叫Chotto Maki，Maki系日语，意思系将一条寿司切成一旧旧。可以堂食或者外卖，即叫即卷。卷物嘅话一共有11款，全部都系$68，更加惊喜嘅系，可以自制卷物，都只系$78，隔离有个冰柜可以买饮品甜品，仲有刺身同埋简约嘅寿司。一向冇咩创意嘅我，又惊会自制出地狱级寿司，所以决定试一下佢推荐嘅寿司。Chick Chick($68，4件)以照烧鸡肉为主，配上黄瓜、牛油果、沙律菜等等。配料丰富，但又唔会抢哂主角嘅味道。Sea Monster($68，4件)，顾名思义就系有唔少海鲜，例如蟹肉、炸虾天妇罗，洒上樱花虾，仲包住豆芽同埋青瓜。系海鲜迷嘅至爱，不过会有少少辣。Mango Dynamite($68，8件)，比起上面2款系细啲，不过料就一样咁足，有炸虾、飞鱼卵同埋青瓜，由芒果包住。芒果酸酸甜甜，令到炸虾冇咁dry。Philadelphia($68，8件)，见到好多人都食，于是都叫咗一份。牛油果超厚又香，同三文鱼一齐非常有口感，芝士味都好重，估唔到依几种食材会咁夹，超正。