新嘉美茶餐廳 (已結業)

适逢在湾仔开完会个肚饿饿哋，途经一间有五、六年无帮衬过嘅新嘉美茶餐厅，二话不说就走入去赶住食番个下午茶餐。找到个卡位对住个亚哥正在叹报纸，望吓个餐牌，见到下午茶餐不过是廾卅元，有分中式及西式，中式嘅有炒粉饭面，西式嘅有多士、扒饱及沙律/薯条。食下午茶餐我始终较喜爱西式，所以点咗个即制洋葱汉堡饱 + 沙律及热鸳鸯($28)。到下午五时四十分左右，还有十多分钟就停止供应下午茶餐，食客陆续进场，很快就把整间茶餐厅挤满了，当然绝多数的食客点下午茶餐，见到一碟又一碟的炒粉面捧出嚟，真系兴奋呢!即制洋葱汉堡饱 + 沙律等咗大嘅10分钟个汉堡饱及沙律终于送到我面前。哗!个汉堡饱俾我预期的大!我以为会好似红磡时X快餐店的那么大，点知有Burger King嘅Whopper咁大个，新鲜热辣辣嘅饱配合煎得香喷喷嘅洋葱及汉堡扒，一口咬落去肉汁四射，加上一片番茄及番茄酱，真系食到lam lam lee!若果汉堡扒可以唔咁咸就更正。沙律就好refreshing，唔似一般港式薯仔生果沙律咁多salad cream或甚至有雪柜味。热鸳鸯味道算OK，咖啡带点酸及未够香滑，实在有很多进步空间!西式下午茶餐选择多，有厚多