阿里山珍珠奶茶便當 (已結業)

九龙湾开咗间外卖小店，除咗有一系列嘅日式便当同台式饮品之外，仲有我最中意嘅吐司系列，啲卖相都好吸引😍~🍁 日式紫菜鸡肉混蛋吐司($30)Total有8款唔同口味嘅吐司，最后拣咗鸡肉混蛋吐司，而朋友就拣咗牛肉混蛋吐司🤤吐司即叫即整，份量十足，有成3块面包，几有惊喜嘅系面包用咗丹麦包，而唔系普通嘅方包，不过食落就有啲油腻感，同埋外层唔脆，有啲摆冻咗嘅感觉🙈吐司一层夹住炒蛋，一层就夹住鸡扒，再加埋沙律酱同紫菜碎，味道唔差，而且又咁抵，好值得一试🤩~另外，加配饮品一律半价，order 咗桃胶黑糖桂花茉莉绿茶(加$14)，可能嗌咗少甜，所以杯嘢真系好清好水🙈