金泰屋

营业中

休息中

黎到东涌outlet行街,有段时间冇食泰国野，就上网揾到呢间金泰屋，呢间餐厅既位置系北大屿山医院格离，较为偏僻，吾熟路既可能都要睇下地图先黎到。中午黎到有set lunch，就叫左个虾酱炒饭同咖喱牛腩饭，另外叫左个蒜蓉包。虾酱炒饭既份量差不多有两碗饭，黎既时候都觉得好香，食落虾酱味突出，配有炒蛋肉松同切粒既豆角，食落有咬口。黄咖喱牛腩饭既咖喱汁比较稀身，个人就比较钟意浓d,但牛腩焖得冧身，薯仔未够入味，如果炸左先煮会更好。而最惊喜既系蒜蓉包，一份有6件，蒜蓉同牛油系渣满哂成个包，蒜香味浓，咬落外皮香脆，面包松软，完全吾会硬，就咁食已经好味，食食下想湿湿地又可以沾D咖喱黎食，值得推介珍多冰既配料份量多，配合左一条条既大树菠萝，好有咬口呢间餐厅既食物份量算多价钱亦合理，可以邀请埋三五知己一齐黎可以试到更多野食。