Bingo & Cook (駱克駅) (已搬遷) 新店位置

星期一约左男朋友一齐食晚饭，我拣左食好耐无食既韩国菜。我地叫左半份蜂蜜黄油炸鸡、炸鱿鱼劲道面、铁板秘制调味炖鸡同2杯饮品。呢间食物份量全部都好大，而且好食，对得住个价钱。蜂蜜黄油炸鸡半份都好大份，皆因炸鸡超级大件，啖啖肉。炸皮好香脆，鸡肉嫩滑，好出色。炸鱿鱼劲道面卖相好得，食落都好松脆可口。劲道面面质Q 弹，好挂到辣辣地既汤汁，好惹味。铁板秘制调味炖鸡一大盘上碟，除左有嫩滑既炖鸡，仲有粉皮、年糕、薯仔片、红萝卜、菇等，十分丰盛。酱汁带甜，所有材料入晒味，好食。饮品叫左乳酪奶昔同柚子米酒。乳酪奶昔好浓乳酪味，好似饮紧乳酪雪糕甘，正。柚子米酒两者捞埋一齐饮一啲都唔违和，几夹。