石磨坊 (已結業)

今日好多朋友一齐去食饭之后当然要食埋糖水先系完美既结局,我自己就食左依个芒果凉粉,如果天气热食依个真系一流,凉粉还面有少少沙冰,一黎到个下真系吓亲我,D芒果粒比出面既大到好鬼夸张,好似已经有成个芒果系到,而且D芒果够新鲜,又甜又多汁,之后仲有D芒果汁加埋少少花奶,好好味,系个底到系有凉粉既,超大份呀,好彩同朋友SHARE,唔系一定食唔哂。之后就系朋友拣依个焗芋头西米布甸,依个听个名就觉得好吸引喇,因为我都几钟意食依个,话明系焗,当然要等番几十分钟咁既时间,焗完出黎真系几靓,出面既西米粒焗到好似金黄色,一闷一闪咁真系睇到都想食,面头个层都几好食,第一啖就已经食到入面已好香芋蓉,糊状既芋蓉都食到好棉,有好香既芋头味,一热一冻,好正,不过依个好饱肚。