Route 83 (廣福道)

营业中

休息中

两个人叫左12oz安格斯肉眼配焗薯dinner set$208，配餐汤，加$18有非洲甘露。再叫墨汁大虾青口意粉$58，小食就叫左炸鱿鱼圈$48同白酒炒青口$58。12oz安格斯肉眼配焗薯一上枱就真系几震撼，因为块肉眼真系好大块，煎得刚刚好，咬落仲啖啖肉，口感都几嫰滑，岩晒D食肉兽啦﹗而个焗薯就好浓厚芝士，几岩芝士控，好鬼饱肚，唔太食得晒~~原来非洲甘露茶包内有大量的热带水果和花的成份，闻落几香，饮落都重茶味~墨汁大虾青口意粉入面大虾都够新鲜，墨汁意粉好够味﹗白酒炒青口入面既青口略细，唔算多肉食，好快就食晒。炸鱿鱼圈脆口，送酒一流，可惜当晚惊饮醉，所以冇叫到酒﹗值得一赞既系呢度性价比高，食物仲好快可以上枱，不过张枱唔系好够大，D食物摆到隔离枱都系。下次可以叫埋一大班朋友坐张大枱一齐黎饮野happy hour。