隨心 (已搬遷) 新店位置

好少去鲗鱼涌附近食饭，今次由同事带路试左一间家常星马料理，份量大而且价钱合理，原来呢度有性价比咁高嘅选择！之所以话家常料理，系因为由装修到食物选择都没有过多花巧同夸张嘅设计，当日食饭唔少都系一家大细来帮衬的街坊。海南鸡点了半只，打算留肚试其他菜式，估唔到半只份量都好多。鸡已经拆骨所以食落啖啖肉，鸡胸位都唔会韧身，而且鸡唔会过肥，连皮食都冇咁邪恶。上菜又一次惊讶点解咁大份，参巴鸡翼第一次食，外面炸过咬落脆身，入面仲keep到唔干身有肉汁，而且食落好惹味，小朋友一定劲钟意！喇沙汤底好香椰奶味，唔会太辣盖左鲜味，海鲜份量都几多。配搭幼嘅米线同粗嘅濑粉，前者爽口后者软滑，一齐食口感好得意。串烧好香口，我会点劲多沙嗲酱一齐食，好浓花生味。薄饼略为唔够香脆，好在唔会油腻，咖哩酱偏咸所以点薄饼岩岩好。马拉盏炒菜心，菜心冇根又甜，马拉盏香得黎唔会太重味，好正！冇人带路真系唔知个头有间味道唔错性价比又高嘅星马菜！