LM Cafe (已結業)

好不容易挨到星期五，约左朋友仔食餐好嘅慰劳下自己嘅胃同心灵，观塘区多美食，今次就黎左LM cafe试下。呢间店名嘅LM stand for 龙门，入面灯光偏暗，有cafe嘅感觉，但呢度嘅野食又有茶餐厅风格，都几有趣。我同朋友仔叫左个吞拿鱼玉子烧配炸虾捞丁、四式芝士意粉同埋芝士肉酱焗薯条，野饮就叫左抹茶latte。四式芝士意粉跟沙律同餐汤，意粉嘅芝士味好浓厚，酱汁好浓郁，要趁热食，如果唔系好易结成一团，味道唔错，但一个人食一盘好易腻，我地2个人share就啱啱好可以食哂。我真系超推呢度嘅玉子烧餐，大份又好味，超级正! 呢碟吞拿鱼玉子烧一上枱令我同朋友仔都呆左，份玉子烧系同只碟一样长咁滞，有我只手咁长，宽度度都有近半只碟，好夸张!切开入面一睇，馅好足，好多吞拿鱼，D芝士系会慢慢涌出黎，散落系旧玉子烧周围，味道好浓郁，好满足! 炸虾都好香脆，捞丁嘅面煮得唔错，面质好爽，成个套餐好味好抵食!另外仲叫左个小食，芝士肉酱焗薯条，好邪恶但好好食，肉酱份量相当多，足够全部薯条都可以有肉酱相伴，中间嘅部份比较湿润，有小小肉酱薯蓉feel，呢个都系要趁热食，冻左佢嘅油感会比较重。题外话，上餐果时waitr