R&B (已結業)

与好友相约星期五晚shopping后到呢间餐厅食个饭，对上一次嚟呢间餐厅系几年前，试佢𠮶杯热朱力，印象都不错。本身被安排坐系餐厅中间，但后来有枱客走，就改坐系一角位置，可以方便倾下计。Menu都系走美国西餐路线，在众多选择下，我地拣咗carbonara pie同蜜糖威士忌烧双豚排。两份主食分量不少，carbonara 同坊间普遍一样用上浓浓既忌廉，热食既时候感觉滑溜，不错。至于蜜糖威士忌烧双豚排有2块，可能因为薄身关系，比较柴d，不过用上蜜糖烤，味道香口。佢亦都有配到一个类似芫荽酱，钟意食芫荽会觉得不错。旁边既羽衣甘蓝同炸洋葱圈系另叫的。女仔就算几饱都总要叫甜品，其实得2个选择，一款系chocolate brownie 加雪糕，另一款系朱古力蛋糕，餐厅职员话蛋糕系自家制，所以就叫呢个。一上枱见到好似mud cake咁, 唔好以后个cream系好软滑咁，我谂住用把刀cut开一半件蛋糕要好用力，非常重料！蛋糕朱古力味好浓，有d似 Cheesecake Factory d蛋糕。呢间餐厅每样食物既份量2个人食就会过份大满足，反而会啱三五知己一齐开心share！