籽樂廚房 (已結業)

同几朋友一齐食饭吹下水，系呢个暗黑败坏嘅时代，想畅谈政治都要揾个安全嘅地方。我地点左三个单人set dinner 。2个安格斯牛肉汉堡1个黑松露杂菇忌廉意大利饭全部都大大份，每一set都包埋沙律面包餐汤甜品嘢饮。其实真系大份到食唔晒。但系唔知有冇最低消费，所以都系一人叫咗一份，其实三个人食两份都好够。味道上面都叫唔错。Parma ham 沙律几好食，个汁偏甜，友人好钟意，而我个人喜欢酸d。蕃茄餐汤好重蕃茄味，加埋少少黑椒就啱啱好。牛汉堡有得拣几成熟，大大份，牛味都ok，但未叫好浓。跟餐薯条，好爽脆，不过其实都系偏甜，如果有得跟沙律酱或者系芥茉酱就一百分啦。黑松露杂菇忌廉意大利饭，其实味道几浓郁，又有好多菇，好满足。好可惜嘅系个饭煮得太淋。无左意大利饭口感。最后甜品不过不失， 似系放题个d款嘅甜品，browny 同cheese cake 都系正常，泡芙就麻麻喇。总括黎讲都唔错！仲有得用下手语同侍应沟通，侍应又快手又helpful 又nice ，感觉好不错。