越式越好味 (已結業)

本身喺深水埗想排队买人气蛋挞，但来迟一步已经卖晒，所以唯有买晚餐返屋企食算😗。饼舖行前几步转角位有间小店叫「越式越好味」，店员话外卖自取有九折优惠，加上眼见唔少人帮衬就试吓。餐厅售卖各式各样嘅越南菜式🇻🇳，包括汤河、捞檬、炒饭同米纸卷等，菜牌望落好似几正宗。作为半个越南人嘅老豆更食得出啲香花菜坚系地道𠮶种👍。番茄蟹肉扎肉汤檬($59)，餐厅会主动将汤同粉分开上，以保持食物质素。🍅蕃茄味道唔算好浓郁，唔太甜或酸，而最紧要嘅系味道自然，唔系用茄膏开。汤底入面有鲜茄同豆卜，而蟹肉亦深藏其中🦀。貌似肉饼嘅蟹饼由蟹肉同蟹膏混合而成，食落渗透出微微鲜味，笃穿佢令汤头变得清甜。唔好睇檬粉个兜细细，其实都塞得好满，而且檬粉并无煮得过淋或整到碎湿湿🍜。𩠌料有鲜虾、扎肉同香叶猪肉卷，后者几特别，唔系周围有。越式虾酱炒饭($69)，炒饭劲大盒🍚，一个人一定食唔晒。炒饭够干爽，炒至粒粒分明，又唔油，而𩠌料亦同样有虾同扎肉。开初闻落觉得无乜虾酱味，但食落有惊喜，🦐虾酱香恰到好处，唔会太抢或令人怕怕，惹味呢。顺化炸虾饼($58)，我估计虾饼系自家制，佢唔系吉列炸皮𠮶一只月亮虾饼，反而系一大块，可分成四至五件。🍤虾