淥鼎記

营业中

休息中

今日食嘅套餐系渌鼎记—小宝套餐（120分钟火锅放题），主菜选择左酸菜鱼（小辣），由于主菜都重口味，所以火锅汤底择左清啲嘅澳门猪骨锅。我去左拎调味料嘅瞬间，一番埋位已经成枱都系食物！效率十足！.前菜有麻辣金钱肚、酸辣凤爪、凉拌木耳、台式肠仔，卖相吸引好食，最钟意系酸辣凤爪，非常开胃！酸菜鱼份量十足，鱼片数量非常之多，食落嫩滑入味，仲有薯粉、芽菜、莴笋、莲藕等配料，汤底饮落鲜甜酸辣，好食！推荐！我同朋友两个女仔净系食呢一个主菜都饱左7-8成😂澳门猪骨锅，一开始以为呢度嘅猪骨汤底都系味精汤底，估唔到非常之足料，汤底有两旧大猪骨，仲有粟米萝卜等配料，就咁饮味道鲜甜！火锅配料嘅选择都非常之多，牛肉、猪肉、羊肉、海鲜、丸类、饺子、蔬菜等等，推荐鹅肠、韩国生蚝、海虾！除咗火锅配料选择多，饮品选择都好多，仲有自家制茶同竹蔗茅根，可以清下热气！