金樂軒雞煲魚鍋

营业中

休息中

日前约左朋友去北角行下街， 行行下肚饿， 就是但揾间野食。虽然时间尚早，见到间野都几多人系入面食紧鸡煲。。就入左去试试佢得两个人 唔敢嗌太多野， 先嗌个细鸡煲，再嗌d 小菜咁， 再睇情况睇下打唔打埋边炉见佢个炸墨鱼饼系人气之选， 就试试佢。 墨鱼饼外脆， 内弹牙，有一粒粒墨鱼， 愈赵愈香口， 正!之后就黎左个鸡煲， 原来奇味鸡煲系香辣味。。又真系几香㖞， 入面除左鸡， 仲有蒜，豆卜，洋葱之类。 配菜吸哂d 味， 劲香浓， 劲好味!虽然系细鸡煲，但都有好多肉， 是满足的。啫啫通菜 好有锅气 好大条虾干！ 由于惊太辣， 所以嗌左渣竹蔗水(细) 两个人share, 清下热气，甜甜地， 解下辣， 都几爽。最后见有福建卤面， 系福建人地头， 就试试佢。面有蛋香，入面有d 海鲜，有蚝仔， 所以食落有啖啖鲜味。 一大窝争d食唔哂。