Story Steak & Pasta (已結業)

外面装饰几靓，有块大餐牌知道晒有咩野食，种类都算多选择，价钱好亲民。叫左两个餐，一个ribs , 一个肉酱千层面同埋一个小食：芝士烟肉菠菜。两个餐有跟汤同香草牛油包，南瓜汤同磨菇汤好快就已经上枱，磨菇汤偏咸但南瓜汤好甜好好味。 碟ribs黎到劲大份！有芝麻酱沙律、薯条同埋十几条骨嘅ribs! 薯条炸完热辣辣，ribs 的汁都几好味！但全晚最惊喜嘅系芝士烟肉菠菜，佢用个铁板上，上果时仲系热辣辣，虽然层菠菜好似好薄咁，但其实因为个铁板好大，所以其实都好饱，重点系芝士拉丝拉丝，落足料，38蚊真系性价比劲高！ 仲有个千层面，我最欣赏系侧边有薯蓉围住，劲好味！仲有几啖咬到薯仔粒劲有口感！同埋当然千层面都系无敌拉丝，又系食到劲有幸福感！ 个餐仲有野饮，不过冇乜特别。